بڕیارە یەكشەمی داهاتوو داگای باڵای فیدراڵیی عێراق چاو بە داوایەكی یاسایی تۆماركراو لە دژی محەمەد شیاع سوودانی سەرۆك وەزیرانی كاربەڕێكەری عێراق بخشێنێت، بۆ تانەدان لە بڕیارێكی حكوومەتەكە تایبەت بە سەپاندنی تاریفەی نوێی گومرگی، ئەوەش وەك هەوڵێك بۆ وەستاندنی كە كێشەی بۆ بازاڕ و بازرگانانی عێراق دروست بووە.
داواكە لە لایەن پەرلەمانتار محەمەد جاسم خەفاجییەوە لە دژی سوودانی تۆمار كراوە، بۆ تانەدان لە نادەستووریی بڕیاری ئەنجوومەنی وەزیرانی عێراق ژمارە 957ی ساڵی 2025 پێوەندیدار بە تاریفەی گومرگی، داواكە داوا لە دادگای فیداڵی دەكات بۆ دەركردنی فەرمانێكی بەپەلەی دادوەری بۆ وەستانی جێبەجێكردنی بڕیارەكە تا كاتی یەكلابوونەوەی كۆتایی داوا یاساییەكە.
ئەمە و یەكشەمی رابردوو دەستەی گشتیی گومرگ لە وەزارەتی دارایی عێراق رێنوێنی دەركرد بۆ كەمكردنەوەی رێژەی 25% لەسەر ناوەندی بەها هاوردەكراوەكان كە لە سیستمی ئەسیكۆدا جێگیر كراوە، لەوكاتەی مەبەستی بڕیارەكە دروستكردنی هاوسەنگییە لە نێوان زیادكردنی داهاتو و ئاسانكردنی رێوشوێنە بەركارە گومرگییەكان لە عێراق.
وەڵام بدەوه