ناوی وەزیرانی كابینەی نوێی حكوومەتی عێراق بلاو کرایەوە

پەرلەمانی عێراق متمانەی بە کابینەکەی عەلی زەیدی بەخشی

کوردستان پرێس - بەغدا

پەرلەمانی عێراق لە دانیشتنێکی تایبەتدا، کە تێیدا سەرۆکایەتییەکانی عێراق، سەرکردەی هێزە سیاسییەکان و نێردە دیپلۆماسییەکان ئامادەی بوون، دەنگی بە کارنامە و پێکهاتەی حکومەتی نوێی عێراق بە سەرۆکایەتیی عەلی زەیدی دا.

لەم دانیشتنەدا زۆرینەی وەزیرەکان متمانەی پەرلەمانیان بەدەستهێنا، کە دیارترینیان بریتین لە:

• فوئاد حوسێن: وەزیری دەرەوە (پارتی دیموکراتی کوردستان).

• خالید شوانی: وەزیری داد (یەکێتیی نیشتمانیی کوردستان).

• سروە عەبدولواحید: وەزیری ژینگە (نەوەی نوێ).

• باسم محەمەد خزەیر: وەزیری نەوت.

• فالح ساری: وەزیری دارایی.

• عەبدولکەریم عەبتان: وەزیری پەروەردە.

• عەلی سەعد وهەیب: وەزیری کارەبا.

سەرەڕای پەسندکردنی زۆرینەی کابینەکە، بەڵام بەهۆی بوونی ناکۆکی سیاسی و یەکلانەبوونەوەی کاندیدەکان، دەنگدان لەسەر چەند پۆستێکی وەزاری بۆ دوای پشووەکانی جەژن دواخرا. بەم هەنگاوە، حکومەتەکەی عەلی زەیدی بە فەرمی متمانەی وەرگرت و دەستبەکار دەبێت.

#kurdistanpress