کاتی ناردنی مووچەی مانگی هەشت راگەیاندرا

ئەندامێکی لیژنەی دارایی پەرلەمانی عێراق ڕایدەگەیەنێت، دوای تەواوبوونی دابەشکردنی مووچەی فەرمانبەرانی عێراق، ڕاستەوخۆ تەمویلی مووچەی مووچەخۆرانی هەرێمی کوردستان دەکرێت.پرۆسەی دابەشکردنی مووچەی مانگی ئابی فەرمانبەرانی عێراق بەردەوامە و بەگوێرەی خشتەی وەزارەتی دارایی، بڕیارە تاوەکو کۆتایی ئەم هەفتەیە پرۆسەکە بەتەواوی کۆتایی پێبێت. دوابەدوای ئەوەش پارە بۆ مووچەی فەرمانبەرانی هەرێم دەنێردرێت.
: د. جەمال کۆچەر، ئەندامی لیژنەی دارایی لە پەرلەمانی عێراق ڕاگەیاند، دوای تەواوبوونی پرۆسەکە لە عێراق، تەمویلی مووچەی مانگی هەشتی مووچەخۆرانی هەرێمی کوردستان دەکرێت و هیچ بەربەستێکیش بۆ خەرجکردنی مووچەکە نەماوە، چونکە لە بەغدا وردبینیی لیستی مووچە و ڕاپۆرتی تەرازووی پێداچوونەوە تەواوبووە و پەسەند کراوە.