پارتی بڕیاری دا

​دانەر عەبدولغەفار، گوتەبێژی فراکسیۆنی پارتی دیموکراتی کوردستان لە ئەنجوومەنی نوێنەرانی عێراق ڕایگەیاند، پڕۆژەیاسای بودجەی گشتیی عێراق بۆ ساڵی ٢٠٢٧ بە شێوازێکی "زۆر خراپ" ئامادە کراوە و فراکسیۆنەکەیان دەنگی پێ نادات.
ئەمڕۆ یەکشەممە، 11ـی 10ـی 2026، گوتەبێژی فراکسیۆنی پارتی لە لێدوانێکدا تیشکی خستە سەر هەڵوێستی فەرمیی فراکسیۆنەکەیان سەبارەت بە پڕۆژەیاسای بودجەی ساڵی ٢٠٢٧ و ئاماژەی بەوە کرد، ئەو داڕشتن و ماددانەی لە پڕۆژەکەدا جێگیر کراون دادپەروەرانە نین و ماف و شایستە دارایییەکانی هەرێمی کوردستانیان تێدا لەبەرچاو نەگیراوە.
​ناوبراو جەختی کردەوە کە بەهۆی کەمکوڕییە بنەڕەتییەکان و نادادپەروەریی خشتەکانی بودجە، فراکسیۆنی پارتی بە هیچ جۆرێک ئامادە نییە دەنگ بە تێپەڕاندنی ئەو پڕۆژەیاسایە بدات بەبێ ئەوەی هەموار بکرێتەوە و مافەکانی خەڵکی کوردستان گەرەنتی بکرێن.