چهند پارێزگایهكی ناوهڕاست و باشووری عێراق بۆ سبهی سێشهم پشووی فهرمییان له ناوهندهكانی خوێندن و فهرمانگهكانی حكوومهت ڕاگهیاند بههۆی خراپی كهشوههوا و زۆری بارانبارینهوه.
ههریهك له پارێزگاكانی نهجهف و بابل و واسیت و موسهنا و دیوانییه سبهی سێشهمیان له قوتابخانه و ناوهندهكانی خوێندن و فهرمانگهكانی حكوومهت كرده پشووی فهرمی.
پارێزگاكان جهختیشیان كردهوه كه سبهی سێشهم تهنیا دامودهزگا ئهمنی و خزمهتگوزاری و تهندروستییهكان دهوامیان تێدا دهكرێت.
ئهمه لهكاتێكدایه كه ئهمڕۆ دووشهم به درێژایی رۆژ له پارێزگاكانی ناوهڕاست و باشووری عێراق باران باریوه و پلهكانی گهرماش بهشێوهیهكی بهرچاو دابهزیون.
دهستهی گشتیی كهشناسی و بوومهلهرزهزانی عێراقیش جهختی كردهوه كه بارانبارین و ئهم كهشوههوا سارده سبهی سێشهم و رۆژانی داهاتووش تا ههینی داهاتوو له زۆربهی پارێزگاكان بهردهوامییان دهبێت.
وەڵام بدەوه