کۆمبوونا هەڤپشک: هەموو بازرگانێن مە پشتەڤانییا خوە ژبۆ بەرژەوەندییا گشتی و خەلکێ خوە ڕاگەهاندن.
ئەڤرۆ ڕێکەڤتی ٨ ی ئادارا سالا ٢٠٢٢، کۆمبوونەکا هەڤپشک هاتە ئەنجامدان ل هۆلا کۆمەلگەها گومرکا ئیبراهیم خەلیل، ب ئامادەبوونا بەرێزان د.عەلی تەتەر پارێزگارێ دهۆک، گوهدار شێخۆ سەرپەرشتێ ئیدارا زاخۆ ، حەمید عەلی ڕێڤەبەرێ گشتیێ کۆمەلگەها ئیبراهیم خەلیل، د گەل بازرگان و خودان کارگەهێن کەل و پەلێن ئاهێن خوارنێدا .
مەرەم ژ کۆمبوونێ ئاگەهداربوونا ڕەوشا بازاری و گرانبوونا وێ بوو، بەرێزان تەکەزی ژی ئێخستنە لسەر چەوانییا کۆنترۆلکرنا بازاری و ڕێگریگرتن ژ هەر قورخکارییەکێ، و ئەڤا نها ڕوودەت ژی بتنێ ترسا شەرێ دناڤبەرا ڕووسیا و ئۆکراینایە.
دیارژیکرن، کو هەموو دەما بازرگانێن مە هەست ب بەرپرسیارەتیێ کرینە و خوە ب خودانێن خەلکێ خوە زانینە، و هاریکار بووینە و نموونا شەرێ دژی تیرۆری هوون پێشەنگ بوون د هاریکارییکرنا برایێن پێشمەرگە ل بەرۆکێن شەری کربوون ژ پێدڤیێن ئاهێن خوارنێ. بلا پێکڤە هەڤکاربین بۆ کۆنترۆلکرنا بازاری.
د کۆمبوونێدا، دیارکرن کو هەر بازرگانەک یان خودان مارکێت و دوکانان ، قورخکاریێ د بازاریدا بکن دێ کەڤنە ژێر دووڤچوونێن تۆند ژبۆ بەرژەوەندییا گشتی.
لەورا ب ڕێکا لژنێن تایبەت دێ دووڤچوونا تەماما بازاری هێتە کرن.
ئاماژە ب وێ یەکێ ژی هاتەکرن کو بلا خەلکێ مە پشت ڕاستبن چ کارەسات و ڕوودان ل دەڤەرێ و حکومەتێ و بازرگانێن دەڤەرێ پشتەڤانییا خوە یا تەمام بۆ خەلکێ خوە دیارکرییە، ژبلی کو ل ژێدەری کەل و پەل پهێنە گرانکرن ئەو ژی دێ دبن کۆنترۆلا حکومەتێدا دەربازبن.
ل داوویێ ژی، بیر و بووچوون و پێشنیارێن هەموویان ژبۆ بەرژەوەندییا گشتی ل پێشچاڤ هاتنە وەرگرتن.
وەڵام بدەوه