بەێوبەرایەتی گشتی ئەزموونەکان بڕیاری نوێی لەبارەی تاقیکردنەوەکانی سنووری سلێمانی دەرکرد
ئەمڕۆ پێنجشەممە 21/12/2023، بەڕێوەبەرایەتی گشتی ئەزموونەكانی سەر بە وەزارەتی پەروەردەی حكومەتی هەرێمی كوردستان، گشتاندنێكی بڵاوكردەوە، كە ئاراستەی بەڕێوەبەرایەتییە گشتییەكانی پەروەردەی سلێمانی، هەڵەبجە، گەرمیان و راپەڕین كراوە و تێیدا چەند بڕیارێك دەركراون.
لە گشتاندنەكەدا هاتووە، سەرجەم قوتابخانەكان ئاگادار بكەنەوە بۆ ئەنجامدانی تاقیكردنەوەكانی كۆتایی وەرزی یەكەم، بەم شێوەیەی خوارەوە مامەڵە لەگەڵ نمرەی تاقیكردنەوەكانی قوتابییان بكەن:
1- ئەو قوتابی و خوێندکارانەی نمرەی هەڵسەنگاندن و نیوەی وەرز (10-20-10) یان هەیە ، ئەوا پێویستە
تاقیکردنەوەی کۆتایی وەرز لەسەر (60)نمرە ئەنجام بدەن.
2- ئەو قوتابخانە و خوێندنگەیانەی نمرەی تاقیکردنەوەی نووسینەکی (20)نمرەیان ئەنجام نەداوە و نمرەی هەڵسەنگاندنیان هەیە ئەوا پێویستە تاقیکردنەوەی کۆتایی وەرز لەسەر (80نمرە)ئەنجام بدەن بەم شێوەیە لە سیستەم تۆماری بکەن.
أ- نمرەی بەدەست هاتوو لە (80)نمرە دابەشی(4) بکرێت بۆ دەرهێنانی (30)نعرەی تاقیکردنەوەی نووسینەکی
ب- نمرەی بەدەست هاتوو لە (80)نمرە لێکدانی(0.75) بکرێت بۆ دەرهێنانی (60)نمرەی تاقیکردنەوەی کۆتایی وەرز.
ت- ئمرەی کۆتایی لە هەردوو خاڵی (أ، ب) نزیکبکرێتەوە بۆ نمرەی تەواو ئەگەر ئمرەکە بە کەرت دەرچوو.
3-ئەو قوتابخانە و خوێندنگەیانەی تاقیکردنەوەی کۆتایی وەرزی یەکەم ئەنجام دەدەن بۆ وەرزی دووەم لەسەر هەمان ساڵنامەی خوێندنی وەزارەتی پەروەردە بەردەوام دەبن.
وەڵام بدەوه