کەشناسی هەرێم پێشبینییەکانی کەشوهەوای ئەمڕۆ و سبەی ئاشکراکرد و تیایدا هاتووە، سبەی شەپۆلێکی باران بارین روو لە ناوچە شاخاوییەکان و سەنتەری ناوچەکانی هەرێم دەکات و ئەگەری بارینی بەفر لە ناوچە شاخاوییەکانی پارێزگای دهۆک و هەولێر هەیە و پلەکانی گەرما ٢ تا ٤ پلە دادەبەزن.
بەڕێوەبەرایەتی گشتی کەشناسی و بومەلەرزەزانی هەرێم راگەیەنراوێکی بڵاوکردەوە و تێیدا هاتووە، ئەمڕۆ پێنجشەممە ئاسمان بەگشتی نیمچەهەور دەبێت و دواتر بۆ هەوری تەواو دەگۆڕیت و پلەکانی گەرما لە تۆمارکراوەکانی رۆژی رابردوو نزیکدەبنەوە.
باس لەوەش کراوە، سبەی هەینی، ئاسمان هەوری تەواو دەبێت و لە کاتەکانی بەیانیدا باران بارین لە ناوچە شاخاوییەکان و سنووری پارێزگای دهۆک دەستپێدەکات و پاشان لە هەندێک ناوچەی هەرێم بارانی مامناوەند دەبارێت.
ئاماژە بەوەش کراوە، دوا نیوەڕۆی سبەینێ شەپۆلی باران بارین بۆ سەنتەری پارێزگاکانی هەولێر و سلێمانی درێژ دەبێتەوە و نمە باران دەبارێت و ئەگەری بارینی بەفر لە ناوچە شاخاوییەکانی دهۆک و هەولێر هەیە و پلەکانی گەرما ٢ تا ٤ پلە دادەبەزن.
هەروەها ئەوەش خراوەتە روو، پێشبینی دەکرێت بۆ رۆژی شەممە کاریگەری ئەم شەپۆلە زیاتر ببێت.
بەرزترین پلەکانی گەرمای پێشبینیکراو بە پلەی سیلیزی:
هەولێر : ١٧ پلەى سیلیزى
سلێمانی : ١٥ پلەى سیلیزى
دهۆک : ١٦ پلەى سیلیزى
کەرکووک : ١٨ پلەى سیلیزى
هەڵەبجە : ١٥ پلەى سیلیزى
زاخۆ : ١٦ پلەى سیلیزى
گەرمیان : ١٩ پلەى سیلیزى
حاجی ئۆمەران: ٥ پلەى سیلیزى
سۆران : ١٣ پلەى سیلیزى
وەڵام بدەوه