بەفربارین دەستى پێ کرد

بەشی پێشبینی بەڕێوەبەرایەتی گشتی كەشناسی و بوومەلەرزەزانی هەرێمی كوردستان ،كەشی پێشبینیكراوی 48 كاتژمێری داهاتووی بڵاوكردەوە......
ئەمڕۆ یەك شەممە   2023-12-24 كەشی باراناوی دەبێت , لەسەرجەمی ناوچەكە ئاسمان بەردەوام هەوری دەبێت . بارانبارین  لە تەواوی ناوچەكەمان دەبارێت لە كاتی جیاجیا ، هەندێك كات باران نمە باران و هەندێ كاتیش دەگۆرێت بۆ بارانی مامناوەند ، لە دوای نیوەرۆ  سنووری پارێزگای سلێمانی بە تایبەت ناوچە شاخاوییەكان بارانی بە لێزمەی كورت خایەنی  دەبێت پاشان لە شەودا لە بەشێك لە سەنتەری پارێزگای هەولێر و بەشی باشووری پارێزگای هەولێر و ناوچە شاخاوییەكان بارانی زیاتر دەبێت بە بەراوورد بە ناوچەكانی تر .
هەروەها بەفر بارین لەسەر ناوچە سنوورییەكان و بەشێك لە لووتكەی شاخە بەرزەكان لە كاتەكانی شەودا دەبارێت . 
بۆ سبەی دووشەممە   2023-12-25 لە كاتەكانی بەرەبەیان ئاسمان هەوری و كەمێك باران بارین دەبێت بەشێوەی نمە بارانی پچڕ پچڕ لەسەر ناوچە جیاجیاكان لەگەڵ دروست بوونی تەم لەكاتەكانی بەیانی .لەدوای نیوەڕۆ ئاسمان دەگۆڕێت بۆ نیمچە هەور كاریگەری ئەم شەپۆڵە كۆتایی دێت .  
بەرزترین پلەكانی گەرمای پێشبینیكراو بە پلەی سیلیزی بەمشێوەیە دەبێت: هەولێر:  13 پلەی سیلیزی،سلێمانی: 12 پلەی سیلیزی،دهۆك: 11 پلەی سیلیزی،كەركووك: 14 پلەی سیلیزی،
هەڵەبجە: 13 پلەی سیلیزی،زاخۆ:   11 پلەی سیلیزی،گەرمیان : 19 پلەی سیلیزی،حاج ئۆمەران: 1 پلەی سیلیزی،سۆران  : 10  پلەی سیلیزی.