پەیامێک لەلایەن بەرێوەبەرایەتیی ئاسایشی هەولێر

بەرێوەبەرایەتیی ئاسایشی هەولێر دوو تۆمەتباری دەستگیرکرد کە لە چەند رۆژی رابردوو بەهۆی کێشەیەکی کۆمەڵایەتییەوە زاواکەی خۆیان کوشتبوو.
ئەمشەو دووشەممە 25/12/2023، بەرێوەبەرایەتیی ئاسایشی هەولێر بڵاوی کردەوە: "دوای ئەوەی لە 23/12/2023، هاووڵاتی (محەمەد شەعبان) لەلایەن ماڵەخەزوورانی لەسەر کێشەیەکی کۆمەڵایەتی لە گەڕەكی قەتەوی شاری هەولێر کوژرا، دەستبەجێ لەلایەن هيزەکانی ئاسایشی ناوخۆ ،(بەڕێوەبەرایەتیی ئاسايشی هەولێر) و (پۆلیسی هەولێر) دەست كرا بە لێکۆڵینەوه و دەرکەوت تۆمەتباران هەڵاتوون بۆ یەکێک لەشارەکانی خوارووی عێڕاق."
ئەوەش خراوەتە روو: "دوای دەرچوونی فەرمانی دەستگیرکردن لەلایەن دادوەری لێکۆڵینەوەی ئاسایشی هەولێر، بەهەماهەنگی لەگەڵ بەڕێوەبەرایەتیی پۆلیسی قەزاو ناحیەکانی پارێزگای سەلاحەدین، دوو کەس لەو تۆمەتبارانە بەناوەکانی (ف، ز، ح) و(ه، ف، ز) دەستگیر کران و ڕادەستی بەڕێوەبەرایەتییەکەمان کران