لە هەولێر سێ تۆمەتبار کە هەوڵی ساغکردنەوەی ماددەی هۆشبەریان دەدا دەستگیر کران
بەڕێوەبەرایەتیی نەهێشتنی ماددەهۆشبەرەکان سێ بازرگانی بە بڕی پێنج کیلۆگرام ماددەی هۆشبەر لەجۆری کریستاڵ کە هەوڵ دەدرا لە شاری هەولێر ماددەکانیان ساغ بکەنەوە، دەستگیر کردووە.
لە راگەیێنراوێکدا بەڕێوەبەرایەتیی نەهێشتنی ماددەهۆشبەرەکان رایگەیاند: دوای ئەوەی لە چەند رۆژی رابردوو زانیاری ئەوەمان پێگەیشت کە بڕی پێنج کیلۆگرام ماددەی هۆشبەر لە جۆری کریستاڵ هێنراوەتە ناو شاری هەولێر بەمەبەستی فرۆشتن و ساغکردنەوەی، لەلایەن تیمەکانی بەڕێوەبەرایەتیەکەمان لێکۆڵینەوە و بەدواداچوونی ورد کرا.
هەر لە راگەیێنراوەکە نەهێشتنی ماددەهۆشبەرەکان دەڵێت، دوای لێکۆڵینەوەکان و توانرا شوێنی دوو کەسی بیانی لە هۆتێلێک دەستنیشان بکرێت، دوای وەرگرتنی بڕیاری دادوەری لێکۆڵینەوەی ئاساییش، شەوی رابردوو سێ کەس دەستگیر کران، لە ئەنجامی لێکۆڵینەوە بڕی پێنج کیلۆگرام ماددەی هۆشبەر لەجۆری کریستاڵ لەناو ئۆتۆمبێلەکەیان کە زۆر بە وردی "جێسازی بۆکرابوو"، دۆزرایەوە و دەستی بەسەرداگیرا.
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه