د.محه‌ممه‌د شوكری، سه‌رۆكی ده‌سته‌ی وه‌به‌رهێنان لە حكوومەتی هەرێمی كوردستان رایگەیاند: "لە داڤۆس، مه‌سرور بارزانی، سەرۆكی حكوومەتی هەرێمی كوردستان له دیدار و كۆبوونه‌وه‌كانیدا هانی به‌رپرسانی سیاسی وڵاتان و سه‌رۆكی كۆمپانیاكانی داوه بۆ ئه‌وه‌ی له ماوه‌ی داهاتوو وه‌به‌رهێنان له هه‌رێمی كوردستان بكه‌ن."
ئاماژەی بەوەش دا: "کۆمپانیاکان به‌ڵێنیان داوه وه‌به‌رهێنان له هه‌رێمی كوردستان بكەن، به‌تایبه‌ت له بواری سیسته‌می ئه‌لیكترۆنی، سیسته‌می بانكی، كشتوكاڵ، ته‌ندروستی، په‌روه‌رده و خوێندنی باڵا."
محه‌ممه‌د شوكری گوتیشی: "بازرگان و وه‌به‌رهێنه‌رانی هه‌رێمی كوردستان كه یاوه‌ری شاندی هه‌رێمی كوردستان بوون له داڤۆس، زیاتر له 80 دیدار و كۆبوونه‌وه‌یان له‌گه‌ڵ بازرگان و وه‌به‌رهێنه‌رانی بیانی ئه‌نجام داوه و به‌رهه‌می زۆری هه‌بووه و چه‌ندین گرێبه‌ستی گه‌وره‌یان واژۆ كردووه."
سه‌رۆكی ده‌سته‌ی وه‌به‌رهێنان گوتیشی: "مه‌سرور بارزانی له هه‌موو دیدار و كۆبوونه‌وه‌كانیدا دووپاتی كردووەتەوە، هه‌رێمی كوردستان له چه‌ندین بواردا ژینگه‌یه‌كی له‌باری هه‌یه بۆ ئه‌وه‌ی كۆمپانیا بیانییه‌كان وه‌به‌رهێنانی تێدا بكه‌ن، له به‌رامبه‌ردا كۆمپانیاكان به‌ڵێنیانداوه سه‌ردانی هه‌رێمی كوردستان بكه‌ن بۆ ئه‌وه‌ی په‌یوه‌ندی دروست بكه‌ن بۆ وه‌به‌رهێنان."
سه‌رۆكی ده‌سته‌ی دووپاتی كردەوە، ئێستا لە هەرێمی كوردستان لەپاڵ وەبەرهێنەرانی خۆماڵی وەبەرهێنەرانی بیانیش لە چەندین وڵاتەوە بەشدارییان هەیە و پڕۆژەیان هەیە
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه