سەرۆکی دەستەی وەبەرھێنان لە ھەرێمی کوردستان رایگەیاند، لە ئێستادا ھەنگاوەکانی کرداری بۆ دروستکردنی 20 ھەزار یەکەی نیشتەجێبوون لە ھەرێمی کوردستان بۆ خەڵکی ھەژار و کەمدەرامەت دەستپێدەکات.
دکتۆر محەمەد شوکری، سەرۆکی دەستەی وەبەرھێنان لە ھەرێمی کوردستان، بۆ ماڵپەڕی فەرمیی پارتی دیموکراتی کوردستان گوتی: “وەکو دەستەی وەبەرھێنان دەزگای کان و کۆمپانیای تیپسای ھاوبەشی راسپاردووە کە لە ڕووی راوێژکاری و ئەندازیاریەوە ھاوکاری ئێمە بکەن بۆ دروستکردنی 20 ھەزار یەکەی نیشتەجێبوون لە ھەرێمی کوردستان، کە ئێمە ئامادەین ھەموو ھاوکاریەکیان بکەین.
دکتۆر محەمەد شوکری گوتیشی: “ئامانجی سەرۆکی حکوومەتی ھەرێمی کوردستان ئەوەیە کە پڕۆژەیەکی نموونەیی بێت لە ڕووی کوالێت و دابینکردنی خزمەتگوزاری، بۆیە پێویستە لە ئاست داخوازی دانیشتووانی پڕۆژەکە بێت.
ناوبراو ده‌شڵێ: “ھەنگاوی کرداری بۆ دروستکردنی 20 ھەزار یەکەی نیشتەجێبوون دەستی پێکردووە، بۆ ئەوەی پڕۆژەکە بکەوێتە بواری جێبەجێکردنەوە، کە تا ئێستا زیاتر لە 100 ھەزار کەس فۆرمەکەی پڕکردۆتەوە.
وەڵام بدەوه