پەروەردەی هەرێم چەند بڕیارێکئ دەرکرد

وەزارەتی پەروەردەی حکومەتی هەرێمی کوردستان فەرمانێکی وەزاریی بە ژمارە (٢١٩٠٢) لە ڕێکەوتی ٢٧ی ئەیلوولی ٢٠٢٦ دەرکرد، کە تێیدا چەندین ڕێکاری توند و پێویست بۆ ڕێکخستنەوەی پرۆسەی خوێندن و چاودێریکردنی باشتری ئامادەبوونی قوتابیان لە قوتابخانە و پەیمانگە ناحکومییەکان دەخاتە ڕوو.
بەپێی فەرمانەکە کە واژۆی ئالان حەمە سەعید ساڵح، وەزیری پەروەردەی لەسەرە، گشت قوتابخانە و پەیمانگە ناحکومییەکان پابەند دەکرێن بە جێبەجێکردنی سیستەمی پەنجەمۆری ئامادەبوون و نادروستکردنی تۆمار بۆ ڕۆژانی دەوام.
هاوکات هەر قوتابییەک لە ساڵیکی خوێندندا زیاتر لە (٢٥) ڕۆژی تەواو نەبێت بە “دابڕاو لە خوێندن” هەژمار دەکرێت و مافی بەردەوامبوونی لەو ساڵەی خوێندن نامێنێت.
هەر بەپێی نووسراوەکە، هەر پەیمانگەیەکی ناحکومی سەرپێچی بەرامبەر بە ناوەڕۆکی فەرمانەکە بکات، ڕێکاری یاسایی بەرامبەر دەگیرێتەبەر و پرۆسەی وەرگرتنەوەی مۆڵەتی کارکردنی لێ دەستپێدەکات، و لە هەمان کاتدا بەپێی ماددەی (٢٧) لە یاسای ژمارە (١٤)ی ساڵی (٢٠١٢) سزای دارایی دەدرێت.
سەرپەرشتیاری پەروەردەیی پەیوەندیدار راسپێردراوە بە بەدواداچوونی مەیدانی بۆ جێبەجێکردنی فەرمانەکە و لە ئەگەری هەر سەرپێچییەکدا ڕێکاری یاسایی دەست پێدەکات.