کەشناسیی عێراق رایگەیاندووە، بەپێی پێشبینییەکان، سبەی دووشەممە، لە پارێزگای دهۆک لە هەرێمی کوردستان و چەند ناوچەیەکی پارێزگای نەینەوا باران دەبارێت.
کەشناسیی عێراق لە راگەیەنراوێکدا بڵاویکردووەتەوە، بەگوێرەی پێشبینییەکان تا کۆتایی ئەم هەفتەیە پلەکانی گەرما چەند پلەیەک بەرز دەبنەوە و ئەوەش لەم وەرزەدا ئاساییە.
باس لەوەش کراوە، سبەی دووشەممە، بارانبارین لە پارێزگای دهۆک لە هەرێمی کوردستان و چەند ناوچەیەکی پارێزگای نەینەوا دەست پێدەکات.
ئاماژە بەوەش کراوە، لە هەفتەی داهاتووەوە پلەکانی گەرما روو لە نزمبوونەوە دەکەن، لە شارەکانی باکوور و رۆژئاوا و ناوەڕاست بە شێوەیەکی بەرچاو نزمدەبنەوە و لە شارەکانی باشوور تێکڕای نزمبوونەوەکە کەمتر دەبێت.
وەڵام بدەوه