عێراق بەفەرمی دۆزینەوەی کارگەیەکی مادەی هۆشبەری لە سلێمانی راگەیاند

وەزارەتی ناوخۆی عێراق: کارگەیەکی مادەی هۆشبەرمان لە سلێمانی دەست بەسەردا گرت
میقداد میری، گوتەبێژی وەزارەتی ناوخۆی عێراق، رای گەیاند، ئێمە زانیاریمان پێگەیشت سەبارەت بە هەبوونی کارگەیەکی ماددەی هۆشبەر لە دەربەندیخان، بۆ ئەم مەبەستە تیمێکی کارکردنی هاوبەش بۆ لێکۆڵینەوە لە پرسەکە پێک هێنرا.
گوتەبێژی وەزارەتی ناوخۆی عێراق، ئاماژەی بەوە دا، بەڕێوەبەرایەتیی گشتیی ماددە هۆشبەرەکان یارمەتی دەربوون لەگەڵ هێزە ئەمنییەکانی ناوچەکە بۆ لێکۆڵینەوە لەبارەی پرسەکە، هاوکات دەستمان بەسەر کارگەکەدا گرت و ژمارەیەک تۆمەتباریش دەستگیر کران.
هاوکات گوتیشی: لە هەر شوێنێکی عێراق و هەرێمی کوردستان، کارگەی دروستکردنی ماددەی هۆشبەر هەبێت دەستی بەسەردا دەگرین، تۆمەتبارانیش دەستگیر دەکەین.