بە لێشاو هاووڵاتییانی گوندی ئۆخسەر هاتنە نێو ڕیزەکانی پارتى

ئێوارەی ئەمڕۆ هەینی ١٨ـی تشرینی یەکەمی ٢٠٢٤، بەڕێز مەلامستەفا بارزانی پێشوازی لە کەسایەتی و گەنجانی گوندی ئۆخسر کرد لە سنووری ناحیەی بەستۆڕە.
دانیشتوانی گوندی ئۆخسر پێک هاتبوون لە ژمارەیەک لە کەسایەتی و گەنجانی گوندەکە، بڕیاریان دا لە ناو ڕیزەکانی پارتی دیموکراتی کوردستان و لە ژێر ڕاسپاردە و ڕێنماییەکانی جەنابی سەرۆک بارزانی دا درێژە بە خەباتی کوردایەتی خۆیان بدەن.
بەڕێز مەلامستەفا بارزانی بە ئامادەبووانی ڕاگەیاند" پارتی و ڕێبازی پیرۆزی بارزانی ماڵی هەموو کوردێکی نیشتمان پەروەرە و باوەشی پارتی ئەوەندە گەورەیە دەتوانێت هەموو کوردێکی دڵسۆز لە خۆ بگرێت.
لە درێژەی قسەکانیدا بەڕێز مەلامستەفا بارزانی کورتەیەکی لە مێژوو و خەباتی پارتی و رێبازی پیرۆزی بارزانی لە ڕابردوو و ئێستا و داهاتوو بۆ ئامادەبووان خستەڕوو و ئاماژەی بەخزمەتکردنی هاوڵاتییان و ئاوەدانی کوردستان کرد لە کابینەکانی حکومەتی هەرێم، بە تایبەت کابینەی نۆیەمی حکومەتی هەرێمی کوردستان.
لای خۆیانەوە دانیشتووانی گوندی ئۆخسر ، خۆشحاڵبوون بۆ ئەم دیدارە و سوپاس گوزاری خۆیان دەربڕی بۆ ئەم پێشوازییە گەرمەی کە لە لایەن بەرێز مەلامستەفا بارزانی لێیان کراوە و بەڵێنیان دا کە لەمەودوا وەک پێشمەرگەیەکی جەنابی سەرۆک بارزانی لە ڕیزەکانی پارتی دیموکراتی کوردستان درێژە بە خەباتی کوردایەتی خۆیان بدەن و لەخزمەت کورد و کوردستاندا دەبن .
ڕاگەیاندنی نووسینگەی مەلامستەفا بارزانی