ئاگاداریەکی گرنگ بۆ فەرمانبەر مووچەخۆران

تیمی پرۆژەی (هەژماری من) رایگەیاند: «لەمڕۆوە، مووچەی بەشێک لە مووچەخۆرانی هەرێمی کوردستان بە شێوازی دیجیتاڵی لە ڕێگەی كارت و ئامێرەكانی راكێشانی پارە لە سەرجەم پارێزگاکانی هەرێمی کوردستان دابەش دەکرێت.»

ئاماژە بەوەش دراوە، مووچەکان دەچێتە سەر هەژماری بانکیی بەشداربوان و بە کورتەنامەیەک ئاگادار دەکرێنەوە.

جەختیش کراوەتە، لە سەرجەم پارێزگاکانی هەرێمی کوردستان دابەش دەکرێت، لەسەر ئاستی هەرێمی کوردستان، کۆی گشتیی ئەو مووچەخۆرانەی کەوا لەم مانگەدا مووچەکانیان بە شێوازی دیجیتاڵی لە ڕێگەی (هەژماری من) وەردەگرن، دەگاتە نزیکەی 153 هەزار مووچەخۆر.

لەو 153 هەزار مووچەخۆرەی مووچەکانیان لەڕێگەی (هەژماری من)ەوە وەردەگرن، لەنێویاندا 127 فەرمانبەرانی مەدەنی 26 هەزار پێشمەرگە هەیه.

تیمەکە ڕوونی کردووەتەوە، ئەوانەی ئەمڕۆ لە لیستی مووچەی دارایی ناویان هاتووە، مووچەکان دەچێتە سەر هەژماری بانکی بەشداربوان و بە کورتە نامە ئاگادار دەکرێنەوە.

ئاشکراشی کردووە، نزیکەی 219 ئامێر لە 71 شوێنی جیاواز بۆ ڕاکێشانی مووچە دیار کراون.