لەلایەن ئەنجوومەنی وەزیرانەوە، نووسراو بۆ ئەنجوومەنی راِژە و وەزارەتی دارایی كرا بۆ ئەوەی رێنوێنی و رێكارە یاساییەكان و مەرجەكان ئامادە بكەن، بۆ بە هەمیشەییكردنی فەرمانبەرانی گرێبەست.
ئەمڕۆ چوارشەم 23ـی ئۆكتۆبەر، بەپێی نووسراوێكی ئەنجوومەنی وەزیران كە ئاراستەی وەزارەتی دارایی و ئابووری و ئەنجوومەنی ڕاژە كراوە و تێیدا هاتووە، بڕیاری ئەنجوومەنی وەزیرانتان بۆ دەنێرین تایبەت بۆ بە هەمیشەییكردنی فەرمانبەرانی گرێبەست لەسەر میلاكی هەمیشەیی وەزارەتەكان.
ئاماژە بۆ ئەوەش كراوە، كاری پێویست ئەنجام بدەن بۆ هەرچی زوو گشتاندنی مەرج و پێداویستی و پێوەر و رێكارە یاساییەكانی بە هەمیشەییكردنی فەرمانبەرانی گرێبەست لەسەر وەزارەتەكان.
لە نووسراوەكەدا هاتووە، ئەوەیش بۆ ئەوەیە تا دوای ساغبوونەوەی شایستەبوونی فەرمانبەرانی گرێبەست بۆ بەهەمیشەییكردنیان بەپێی مەرجەكان، تا ئەوكات وەزارەتی دارایی و ئابووری لیستی مووچەیان وەك فەرمانبەری هەمیشەیی لە چوارچێوەی لیستی مووچەی وەزارەت و لایەنی تایبەتمەند ئامادە بكات و رەوانەی وەزارەتی دارایی فیدراڵ بكات، بۆ خەرجكردنی مووچەكانیان وەك فەرمانبەری هەمیشەیی بەپێی بڕیاری ئەنجوومەنی وەزیران.
ئەوە لە كاتێكدایە لە 25ـی ئەیلوول، مەسروور بارزانی سەرۆكی حكوومەتی هەرێمی كوردستان، بڕیاری بە هەمیشەییكردنی فەرمانبەرانی گرێبەستی دا.
وەڵام بدەوه