پارەى ئەو توێژەی خوارەوە دابەشدەکرێت

بەپێی بڕیاری كۆمسیۆنی هەڵبژاردنەكانی عێراق، بڕیار دراوە بۆ كارمەندانی هەڵبژاردنی پەرلەمان كوردستان، بە سێ‌ جۆر پارە دابەش بكرێت.

ئەمڕۆ یەكشەم 27ـی ئۆكتۆبەر، بەپێی گوتەی بەرپرسانی كۆمسیۆنی هەڵبژاردنەكانی عێراق، دەستیان كردووە بە ئامادەكارییەكان بۆ دابەشكردنی پاداشتی كارمەندانی سەر سندووقی دەنگدان.

بەپێی بڕیاری كۆمسیۆن هەر كارمەندێك كە فەرمانبەری حكوومەت نەبێت، بڕی 250 هەزار دینار وەردەگرێت، فەرمانبەری حكوومەتیش بێت بڕی 150 هەزار دینار وەردەگرێت.

بەپێی بڕیارێكی نوێی كۆمسیۆن، ئەو كارمەندانەی وەك كارمەندی یەدەگ دیاری كرابوون، ئەوا بڕی 50 هەزار دینار وەك پاداشت وەردەگرن و لەگەڵ كارمەندانی سەر سندووقی دەنگدان.

ئەو بڕیارە سەرجەم ئەو كەسانەی دەگرێتەوە وەك كارمەندی یەدەگ ناویان لە كۆمسیۆن دەرچوو بوو بۆ هەڵبژاردنی پەرلەمانی كوردستان، بڕی 50 هەزار دیناریان پێ دەدرێت.

لە 20ـی ئۆكتۆبەر، هەڵبژاردنی خولی شەشەمی پەرلەمانی كوردستان بەڕێوە چوو، زیاتر لە 30 هەزار كارمەند سەرپەرشتیی پرۆسەكەیان كرد.