دوای ئەوەی مەسروور بارزانی سەرۆك وەزیرانی كوردستان بڕیاریدا فەرمانبەرانی گرێیەست بكرێن بە هەمیشەیی، ئامادەكارییەكان بۆ ئەو پڕۆسەیە بەردەوامی هەیە و ئەنجوومەنی راژە و بەشی یاسای فەرمانگەكان لە هەماهەنگین بۆ جێبەجێكردنی بڕیارەكە.
بە گوێرەی فەرمانی مەسروور بارزانی سەرۆك وەزیرانی كوردستان ئەوە پەسەند كراوە كە فەرمانبەرانی گرێبەست بكرێن بە هەمیشەیی، دوای ئەوەی رێنوێنی بۆ دەرچوو بە هاوئاهەنگی كردن لەگەڵ بەغدا.
ئێستە لەناو فەرمانبەرانی گرێبەست دەنگۆی ئەوە بڵاو بووەتەوە كە بڕیاری بە هەمیشەیی كردن تەنیا ئەو فەرمانبەرانە دەگرێتەوە كە زیاتر لە هەشت ساڵ خزمەتی گرێبەستیان هەیە، بەڵام "کوردستان پرێس" ئەوەی یەكلا كردەوە.
سەرچاوەیەكی ئاگەدار، بە "کوردستان پرێس"ی راگەیاند، هیچ رێنوێنییەكی لەو شێوەیە لە ئارادا نییە كە فەرمانبەری گرێبەست دوای هەشت ساڵ بكرێت بە هەمیشەیی.
ڕوونیشی كردەوە نەك رێنوێنی بەڵكو پێشنیاری لەو جۆرەیش نییە، ئەوەی هەیە ئەوەیە كە فەرمانبەرانی گرێبەست كە سێ ساڵ خزمەتی گرێبەستیان بەبێ پچڕان هەبێت بكرێن بە هەمیشەیی.
لە هەرێمی كوردستان ژمارەیەكی زۆر فەرمانبەری گرێبەست هەن، كە وەزارەتی شارەوانی و گەشتوگوزار زۆرترین فەرمانبەری گرێبەستی هەیە، بەڵام بە گوێرەی بڕیاری حكوومەت دیاری نەكراوە كە چ فەرمانبەرێك دەكرێن بە هەمیشەیی و چاوەڕێی رێنوێنی دەكرێت.
وەڵام بدەوه