کۆتا قسە لەسەر پرۆژەى هەژمارى من

د. ئومێد سەباح: پڕۆژەی هەژماری من پڕۆژەیەكی یاساییە و لە ئەنجوومەنی وەزیران دەنگی لەسەر دراوە

لەسەر پڕۆژەی هەژماری من، كە پڕۆژەیەكی گشتگیری حكوومەتی هەرێمی كوردستانە بۆ دابەشكردنی مووچە، لەمبارەیەوە، ئومێد سەباح ڕایدەگەیەنێت، كە "وەزارەتی دارایی حكوومەتی هەرێمی كوردستان لەسەر بنەمای كۆدەنگی ئەنجوومەنی وەزیران، پڕۆژەی (هەژماری من)ی هەڵبژاردووە بۆ دابەشكردنی مووچە."

لەسەر پڕۆژەی هەژماری من، ئومێد سەباح، سەرۆكی دیوانی ئەنجوومەنی وەزیران، بە ڕۆژنامەنووسانی ڕاگەیاند: "لەسەر فەرمانی سەرۆكی حكوومەتی هەرێمی كوردستان بە نووسراوی فەرمی دەبێت هەموو دامودەزگایەكی حكوومەت پابەندی پڕۆژەی هەژماری من بن، ئومێد دەكەین هیچ ڕێگریەك بۆ ئەو پرسە نەیەتە پێشەوە."

ڕاشیگەیاند: "پڕۆژەی هەژماری من پڕۆژەیەكی یاساییە و لە ئەنجوومەنی وەزیران دەنگی لەسەر دراوە."

ئاماژەی بەوەش كرد، كە "وەزارەتی دارایی حكوومەتی هەرێمی كوردستان لەسەر بنەمای كۆدەنگی ئەنجوومەنی وەزیران، پڕۆژەی (هەژماری من)ی هەڵبژاردووە بۆ دابەشكردنی مووچە."