وەزارەتی کشتوکاڵ بڕیاریدا بە هەڵگرتنی باج و قەدەغەی هاوردەکردنی بەرهەمی تەماتە لە دەرەوەی هەرێمی کوردستان.
بەپێی نووسراوێکی وەزارەتی کشتوکاڵی حكوومەتی هەرێمی هەرێمی کوردستان ئەوە بڵاو کراوەتەوە، کە : "دوابەدوای بەدواداچوونمان بۆ بەرهەمی تەماتە لە گشت سنوری بەرێوەبەرایەتیی گشتیی کشتوکاڵی پارێزگاکان و ئیدارە سەربەخۆکانی هەرێمی کوردستان، بۆمان دەرکەوت کە ئەم بەرهەمە لە بازاڕەکانی هەرێمی کوردستان کەمبووەتەوە و بەشی پێویستیی هاووڵاتیان ناکات، لە هەمانکاتدا نرخی بەرزبۆتەوە."
ئاماژە بەوەش دراوە: "بۆیە لەپێناو بەرژەوەندی گشتی و پاڵپشت بە یاسای پاراستن و پێشخستنی بەروبوومی کشتوکاڵی و پاڵپشت بە بڕیاری سەرۆکایەتیی ئەنجومەنی وەزیران تایبەت بە پاراستنی بەرهەمی خۆماڵی بڕیارماندا بە هەڵگرتنی باج و قەدەغە لەسەر هاوردەکردنی بەرهەمی تەماتە لە دەرەوەی وڵات."
جەختیش لەوە کراوەتەوە بۆ ئەم مەبەستە سەرجەم لایەنە فەرمیەکانیان ئاگادار کردووەتەوە بۆ وەرگرتنی ڕێککاری پێویستیی کارگێری و یاسایی
وەڵام بدەوه