ئه‌ندامێكی كۆمیته‌ی ناوه‌ندیی پارتی دیموكراتی كوردستان، ئاماژه به‌وه ده‌كات، پارتی ئاماده‌كارییه‌كانی بۆ گفتوگۆ له‌گه‌ڵ لایه‌نه سیاسییه‌كان ته‌واو كردووه، ئه‌وه‌ی گرنگه ئەوەیە، هه‌ر حزبێك به‌پێی به‌ركه‌وته‌ی هه‌ڵبژاردن پۆستی پێ بدرێت.
مه‌ردان خدر، ئەندامی کۆمیتەی ناوەندیی پارتی، ڕایگەیاند: "پۆست به‌خشینه‌وه نه‌ماوه، هه‌ر لایه‌نێك به‌شداری له كابینه‌ی حكوومه‌تدا بکات، به‌پێی به‌ركه‌وته‌ی هه‌ڵبژاردن ده‌بێت، سه‌رده‌می فیفتی به فیفتی نه‌ماوه و پێویسته رێز له ده‌نگی خه‌ڵك بگیرێت، خه‌ڵك بۆیه ده‌نگیان داوه و متمانه‌یان به هێزی سیاسیی داوه كه هه‌ركه‌س به‌پێی قه‌باره‌ی خۆی پشك وه‌ربگرێت، خۆ ئه‌گه‌ر بووه فیفتی به فیتی، ئیتر بۆ هه‌ڵبژاردن بكرێت؟»
گوتیشی: "خه‌ڵك له هه‌ڵبژاردنێكی پاك و بێگه‌رددا بڕیاری داوه، هه‌ر كه‌سێك به‌پێی قه‌باره‌ی خۆی به‌شداری له حكوومه‌تدا بكات، پێشمه‌رجی پارتی ئه‌م قسه‌یە و ویستی خه‌ڵكی كوردستانیشه، پارتی ئێستا چاوه‌ڕوانی دوا بڕیاری كۆمسیۆن ده‌كات، بۆ ئه‌وه‌ی پرسی تانه‌كان یه‌كلا بكرێته‌وه، دوای ئه‌وه قۆناغی گفتوگۆ به‌فه‌رمی ده‌ست پێده‌كات و پارتی ئاماده‌كارییه‌كانی بۆ گفتوگۆ له‌گه‌ڵ لایه‌نه‌كان تەواو کردووە.»
گوتیشی: "ئه‌م هه‌ڵبژاردنه بۆ پارتی دڵخۆشكه‌ر بوو، وێڕای ئاسته‌نگ و قه‌یرانه‌كان، پارتی نه‌ك بووه هێزی یه‌كه‌م، بگره خۆی ئاماده ده‌كات بۆ دەنگی ملیۆنی لە هەڵبزاردنی داهاتوودا، ئه‌و زیادبوونەی ده‌نگی پارتی له‌م هه‌ڵبژاردنه له‌م قۆناغه، ئەرکەکانی قورستتر ده‌كات، هه‌رچه‌نده پارتی به‌پێی پێداویستیی قۆناغه‌كه درێغیی نه‌كردووه و خزمه‌تی خه‌ڵكی كردووه، پارتی له هه‌ر قۆناغێك به‌رپرسیارییه‌تیی هه‌ڵگرتووه و تاكه هێزه له سه‌ركه‌وتن به‌رپرسیارییه‌تیی هه‌ڵگرتووه، ئه‌گه‌ر كه‌موكورتی هه‌بووه بەرگەی گرتووه و به‌رپرسیارییه‌تی خستووه‌ته‌وه سه‌ر شانی خۆی.»
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه