پارتی دیموکراتی کوردستان بەرنامەی داهاتووی ئەوەیە کە یەک هێزی پێشمەرگە لە کوردستاندا هەبێت، ئەوەیش سەرۆک بارزانی لە کاتی بانگەشەی هەڵبژاردن دووپاتی لێ کردەوە.
پارتی کە ئێستە حزبی یەکەمی کوردستان و پێکهێنەری حکوومەتە، سوورە لەسەر ئەوەی یەک هێزی پێشمەرگە هەبێت.
پێشتر مەسروور بارزانی سەرۆک وەزیرانی کوردستان چاکسازیی لە نێو هێزەکانی پێشمەرگە کرد، بەڵام بەشێکی زۆری لەلایەن یەکێتییەوە رێگری لێ کرا.
ئامانج عەلی خۆشناو چاودێری سیاسی، بۆ "کوردستان پریس" گوتی، دروستکردنی هێزێکی نیشتمانی و یەکخستنی هێزی پێشمەرگە قورس نییە ئەگەر رێگری نەکرێ.
ئەو گوتی، یەکێتی لە رابردوودا رێگری لەسەر کۆێ چاکسازی کردووە لە سەرووی هەموویانەوە یەکخستنی هێزی پێشمەرگە.
دووپاتی کردەوە، ئەگەر یەک هێزی پێشمەرگە نەبێت زیانی گەورە لەلایەن هاوپەیمانانەوە بەر پێشمەرگە دەکەوێ.
وەڵام بدەوه