چاوەڕوان دەکرێت لە 48 کاتژمێری داهاتوودا هەرێمی کوردستان داهاتی نانەوتیی بخاتە سەر هەژماری دارایی حکومەتی عێراق، دوای ئەوەش بەغدا گوژمەی یەکەمی مووچەی مانگی 10ـی مووچەخۆرانی هەرێم خەرج بکات.
سەرچاوەیەکی باڵای حکومەتی هەرێمی کوردستان ڕایگەیاند: "بەغدا هەندێک تێبینی لەسەر لیستی مووچە هەبووە و ئێمەش ڕوونکردنەوەمان پێداون، ئەوەی لەبارەی گەڕاندنەوەی لیستی مووچە دەگوترێت ڕاست نییە، وردبینی کراوە و لیست نەگەڕێنراوەتەوە".
لەلایەکی دیکەوە: "بەغدا چاوەڕوانی ئەوەیە داهاتی نانەوتی هەرێمی کوردستان بخرێتە سەر هەژماری وەزارەتی دارایی عێراق، سبەی یان ڕۆژی پێنجشەممە داهاتی نانەوتیان بۆ دەنێردرێت".
لەبارەی وادەی ڕەوانەکردنی یەکەم گوژمەی مووچەی مانگی 10ی مووچەخۆرانی هەرێمی کوردستان، بەگوتەی ئەو سەرچاوەیە، "ڕۆژی پێنجشەممە یاخوود یەکشەممەی هەفتەی داهاتوو، بەغدا گوژمەی یەکەمی مووچەی مانگی 10 دەخاتە سەر هەژماری وەرەتی دارایی هەرێمی کوردستان".
وەڵام بدەوه