پارەی ئەو توێژە گەیشت و دابەش دەکرێت

وەزیری بازرگانیی عێراق رای گەیاند، بڕیاری خەرجكردنی بڕی 400 ملیار دینار بۆ پارەی گەنمی جووتیارانی هەولێر و سلێمانی و دهۆ و دیالە و نەینەوا درا.

ئەمڕۆ پێنجشەم 14ـی تشرینی دووەم، ئەسیر داود وەزیری بازرگانی گواستنەوەی بڕی 400 ملیار بۆ خەرجكردنی پارەی جووتیاران راگەیاند.

ئاماژەی بەوەش كرد، ئەو پارەیە بۆ پێنج پارێزگایە كە بریتین لە نەینەوا، كەركووك، دهۆك، سلێمانی و دیالە كە پارەی گەنمی جووتیارانە بۆ گەنم ماوە.

هاوكات لە راگەیەنراوێكی حەیدەر نووری بەڕێوەبەری گشتیی كۆمپانیای بازرگانی دانەوێڵەدا هاتووە، ئەمڕۆ ستافی ژمێریاری كۆمپانیاكەیان دەستیان كردووە بە گواستنەوەی ئەو بڕە پارانە بۆ پێنج پارێزگا، بۆ ئەوەی ئەو پارە داراییەی كە ماوە بۆ بەبازاڕكردنی گەنمی ساڵی 2024 بدەن.

لە ڕاگەیەنراوەكەدا ئاماژە بەوە كراوە كە كۆمپانیای دانەوێڵە لە وەرزی بەبازاڕكردنی گەنمی 2024 بۆ دوو وەرزی لەسەریەك یەدەگی ستراتیجی و خۆبژێوی بەدەست هێناوە.

لە بەیاننامەكەدا پشتڕاست كراوەتەوە كە كۆمپانیاكە ئێستە كار دەكات وەك بەشێك لە پلانەكەی بۆ وەرزەكانی داهاتووی بازاڕكردن، بۆ دەستەبەركردنی توانای هەڵگرتنی گەورە لە ڕێگەی دروستكردنی سایلۆ و بنكە و كە بتوانێت بڕی گەنم لەخۆ بگرێت بۆ هەڵگرتنی