هۆشداریەکی گرنگ بۆ مووچەخۆران

دوای بڕیارەكەی وەزارەتی دارایی بۆ ئەوەی تا 20ـی ئەم مانگە دواین كات بۆ مووچەخۆران هەیە، بایۆمەتری بكەن، تا ئێستە چەندان كەس سەردانیان نەكردووە و مووچەكانیان دەبڕێت.

ئەمڕۆ دووشەم 18ـی تشرینی دووەم، شێخ محەمەد گەزنەیی بەڕێوەبەری تۆڕی پاراستنی كۆمەڵایەتیی هەولێر،  رایگەیاند، كارەكانی بایۆمەتریی خاوەن پێداویستی تایبەت بەردەوامە، لە سنووری هەولێر هەموو رێكارێك كراوە بۆ ئەوەی پێوەندییان پێوە بكرێت و بایۆمەتری بكەن.

زیاتر گوتی، پێش 11ـی ئەم مانگە چوار هەزار و 85 خاوەن پێداویستی تایبەت مابوو بایۆمەتری بكەن، دوای ئاگاداركردنەوەیان بە هەموو رێكارەكان ئێستە نزیكەی دوو هەزار كەسێك ماوە نەهاتوون بایۆمەترییان نەكردووە.

لە تەواوی كوردستان بەپێی ئەو داتایانەی بەردەست بووە، تا ئێستە 80% بۆ 90%یان  پرۆسەی بایۆمەترییان ئەنجام داوە و سبەی دوای سەعات دوو كارەكان تەواو دەبێت.

بەپێی رێككەوتنی نێوان هەولێر و بەغدا، پێویستە سەرجەم مووچەخۆران بایۆمەتری ئەنجام بدەن، دواین كاتیش بۆیان دیاری كراوە سبەیە