بڕیارێکی دڵخۆشکەر بۆ گواستنەوەی فەرمانبەران ڕاگەیاندرا

چاودێریى بازرگانیى سۆران، گواستنەوەی فەرمانبەر بە چەند مەرج و ڕێکارێک بۆ فەرمانگەکەی ڕادەگەیەنێت.
بەڕێوەبەرایەتیى چاودێریى بازرگانیى سۆران، بڵاوی کردەوە: "پێویستمان بە راژەى 31 فەرمانبەر هەیە لەسەر ميلاكى وەزارەتە جياجياكانى دیكەى حكوومەتى هەرێمى كوردستان، بۆ سەر ميلاكى وەزارەتى بازرگانى و پیشەسازى، بۆ بەڕێوەبەرایەتیى چاودێریى بازرگانیى سۆران."
ئاماژەی بەوەش داوە، ئەوەی نیازی گواستنەوەی هەیە، بۆ وەرگرتنى فۆڕم دەتوانێت سەردانى بەڕێوەبەرايەتیى چاودێرىی بازرگانیى سۆران بكات.
جەختیش کراوەتەوە، دوا وادە بۆ گەڕانەوەى فۆڕمەكان 10/12/2024یە و دواتريش لە رێگەى لێژنەى تايبەت لە 12/12/2024 چاوپێكەوتن بۆ خوازياران دەكرێت.
ڕوونیش کراوەتەوە، ئەم پرسە بۆ مەبەستى گواستنەوەى راژەیە، بۆ دامەزراندن نییە.
بەڕێوەبەرایەتیى چاودێریى بازرگانیى سۆران  ئاشکرای کردووە، چەند مەرجێکیان هەیه بۆ وەرگرتنی میلاك لە وەزارەتەكانی دیكە، لەوانە:
1- بەڵێننامە پڕ بكاتەوە بۆ ماوەى (5) ساڵ لە بەڕێوەبەرایەتییەکەمان داواى گواستنەوەى راژە نەكات.
2- CVی تايبەت بە پسپۆڕى و كارەكەى پێشكەش بكات.
3- خوازیار دەبێ پێش وادەى چاوپێكەوتنى، لارى نەبوونى وەزارەتەكەى خۆى، ئامادە بكات.
4- خوازیار دەبێت هەموو مەرجەکانی پلەی وەزیفی داواکراوی هەبێت