ئاگاداریەکی گرنگ لە مەرزی حاجی ئۆمەرانەوە

مه‌رزی‌ حاجی‌ ئۆمه‌ران ژماره‌یه‌ك بڕیاری‌ ده‌ركرد كه‌ تایبه‌ته‌ به‌ ڕۆژانی‌ چوارشه‌م و پێنجشه‌م و قه‌ده‌غه‌ی‌ هاتوچۆ.

مه‌رزه‌كه‌ رای‌ گه‌یاندووه‌، له‌باره‌ی رۆژانی سه‌رژمێریی گشتی له‌ هه‌رێمی كوردستان كه‌ له‌ رۆژانی چوارشه‌م و پێنجشه‌م به‌ڕێوه‌ ده‌چێت، ئاگاداری هه‌موو بازرگانان و كۆمپانیاكان و گه‌شتیاران ده‌كه‌ینه‌وه‌ كه‌ جووڵه‌ی‌ بازرگانی‌ ئاساییه‌.

ده‌قی‌ بڕیاره‌كان:
1-له‌باره‌ی جووڵه‌ی بازرگانی و هاورده‌ و هه‌نارده‌ی كاڵاكان به‌رده‌وام و ئاسایی ده‌بێت و داناخرێت.

2- له‌باره‌ی چوونی هاووڵاتییانی كوردستانی و عیراقی و بیانی له‌ هه‌رێمی كوردستان بۆ ئێران داده‌خرێت و رێگه‌ نادرێت.

3- له‌باره‌ی گه‌ڕانه‌وه‌ی هاووڵاتییانی كوردستانی و عێراقی له‌ ئێرانه‌وه‌ بۆ هه‌رێمی كوردستان، كراوه‌ ده‌بێت و ده‌توانن بگه‌ڕێنه‌وه‌ بۆ كوردستان.

4- له‌باره‌ی هاتنی هاووڵاتییانی ئێرانی و بیانی له‌ ئێرانه‌وه‌ بۆ هه‌رێمی كوردستان، داده‌خرێت و رێگه‌یان پێ نادرێت.