ئەمشەو پێنجشەممە لە زۆربەی ناوچەكانی هەرێمی کوردستان پلەکانی گەرما دەگەنە ژێر سفری سیلیزی و ئەگەری دروستبوونی دیاردەی شەخته و تەمومژ هەیە، بۆیە ئامۆژگاری هاووڵاتییان و شوفێران دەكرێت لە كاتی لێخوڕینی ئۆتۆمبێلدا پابەندی رێنماییەكانی هاتوچۆ بن.
هەڤاڵ سدیق گەڵۆزی شارەزای كەشناسی رایگەیاند: دەرنگانی ئەمشەو بۆ کاتەكانی بەرەبەیان بەهۆی بوونی ڕێژەیەکی زۆر لە شێی ڕێژەیی لە هەوادا، ئەگەری دروستبوونی دیادەی تەمومژ و شەختە هەیە.
راشیگەیاند: ئەمشەو ساردترین ناوچەی هەرێمی کوردستان سنووری ئیدارەی سەربەخۆی سۆران دەبێت، بە تایبەت حاجی ئۆمەران و چۆمان و سیدەکان كە پلەكانی گەرما تا -10ی پلەی سیلیزی دادەبەزێت.
شارەزاكەی كەشناسی جەختیشی كردەوە كە ئەم شەپۆڵە سەرمایە بۆ ماوەیەكی درێژ لە ناوچەكانی هەرێمی كوردستان دەمێنێتەوە و بەتایبەت لە شەواندا كەشوهەوا زۆر سارد دەبێت، بەڵام لە رۆژدا كەمێك باشتر دەبێت.
وەڵام بدەوه