کاتی کۆبونەوە گرنگەکە ڕاگەیاندرا

پاشنیوەڕۆی ئەمڕۆ شاندی پارتی، دەگاتە مەكتەبی سیاسیی یەكێتی لە سلێمانی و لەگەڵ ئەو حزبە لەبارەی پێكهێنانی كابینەی نوێی حكوومەت كۆ دەبێتەوە.
كاتژمێر 01:00ی پاشنیوەڕۆی ئەمڕۆ، شاندی پارتی دیموكراتی كوردستان لە بەردەوامیی سەردانەكانیان بۆ لای پارت و لایەنە سیاسییەكانی كوردستان، دەگاتە بارەگای مەكتەبی سیاسیی یەكێتی لە سلێمانی.
دڵشاد شەهاب ئەندامی لیژنەی دانوستانکاری پارتی دیموکراتی کوردستان، بە ماڵپەڕی فەرمیی پارتی ڕاگەیاندووە: ئەمڕۆ شەممە 30/11/2024، شاندی دانوستانکاری پارتی، لە بەردەوامی دیدار و سەردانەکانیدا بۆ لای لایەنە سیاسییەکانی کوردستان بۆ گفتوگۆکردن سەبارەت بە پێکهێنانی کابینەی دەیەمی حکوومەتی هەرێمی کوردستان و ڕێکارە یاساییەکانی دوای ڕاگەیاندنی ئەنجامەکانی هەڵبژاردنی خولی شەشەمی پەرلەمانی کوردستان، سەردانی یەکێتیی نیشتمانیی کوردستان دەکەن لە شاری سلێمانی