بڕە پارەیەکی تر گەیشت و دابەش دەکرێت

بەڕێوەبەری گشتیی بازرگانی هەرێمی كوردستان ڕای گەیاند، بڕێكی تری پارەی گەنمی جووتیارانی كوردستان گەیشت و زیاتر لە 130 ملیار دیناریش لای حكوومەتی عێراق دەمێنیت. 

ئەمڕۆ یەكشەم یەكی كانوونی یەكەم، نەوزاد شێخ كامل بەڕێوەبەری گشتیی بازرگانی لە وەزارەتی بازرگانی و پیشەسازیی هەرێمی كوردستان ڕای گەیاند، بڕێكی تری پارەی گەنمی جووتیارانی كوردستان گەیشت و دەست بە دابەشكردنی دەكرێت.

زیاتر گوتی،  پارەكە بۆ سلێمانی بڕی 60 ملیار دینارە، هەولێر 54 ملیار و 454 ملیۆن و بۆ دهۆكیش 43 ملیار دینارە.

باسی لەوەش كرد، ئەو بڕە پارەی لای حكوومەتی عێراقی دەمێنێت زیاترە لە 130 ملیار دینار، بەڵێنی ئەوەشیان داوە لە ماوەیەكی نزیكدا ئەو بڕەش بنێرن.

ئەمساڵ بەهۆی كەمیی لەو بڕە پارەیەی عێراق بۆ گەنمی جووتیاران دیاری كردبوو، كورتهێنان دروست بوو