مەسرور بارزانی: پێویستە عێراق بێ دواخستن و لێبڕین مووچە بنێرێت

سەرۆکوەزیران مەسرور بارزانی پێشوازی لە ئەلینا ڕۆمەناوسکی، باڵيۆزى ئه‌مه‌ريكا له‌ عێراق دەکات بەبۆنەی کۆتاییهاتنی ئەرکەکەی.

 سەرۆکوەزیران مەسرور بارزانی دەڵێت، تەوەری سەرەکی گفتوگۆکانمان تایبەت بوو بە مووچە و ماف و شایستە داراییەکانی هەرێمی کوردستان . لەمبارەیەوە دووپاتمان کردەوە، هەرێمی کوردستان هەموو پابەندییە دەستوورییەکانی خۆی جێبەجێ کردووە، بۆیە پێویستە حکومەتی فیدراڵ مووچە و شایستە داراییەکانی خەڵکی کوردستان بێ دواخستن و لێبڕین بنێرێت.

 هەردوولا هاوڕابووین لە سەر ئەوەی کە لە دوای یەکەم دانیشتنی خولی شەشەمی پەرلەمانی کوردستان، پێویستە لە زووترین کاتدا،حکومەتێکی نوێی یەکگرتوو و بەهێز پێکبهێنرێت.

هەروەها جەختمان لە دەستپێکردنەوەی هەناردەکردنی نەوتی هەرێمی کوردستان لە ماوەیەکی نزیکدا کردەوە