هەواڵێكی خۆش بۆ قوتابیان ڕاگەیاندرا

وەزارەتی خوێندنی باڵا و توێژینەوەی زانستی بڵاوی كردەوە كە وەرگرتنی قستی پارەی خوێندنی پارالێڵ و ئێواران دوادەخرێت، ئەمەیش بەلەبەرچاوگرتنی بەرژەوەندی گشتی و دۆخی دارایی قوتابیان.

ئەمشەو سێشەم، سێی كانوونی یەكەمی 2024، وەزارەتی خوێندنی باڵا و توێژینەوەی زانستی نووسراوێكی بڵاو كردەوە كە تیایدا گشتاندن كراوە بەوەی بە لەبەر چاو گرتنی بەرژەوەندی گشتی و دۆخۆی دارایی قوتابیان و خوێندكاران و داهاتی كەسوكارییان، بڕیار دراوە بە دواخستنی وەرگرتنی پارەی قیستی خوێندنی پاراڵێڵ و ئێواران.

لە راگەیەنراوەكەی وەزارەتی خوێندنی باڵادا هاتووە، د. ئارام محەمەد قادر وەزیرى خوێندنى باڵا و توێژینەوەى زانستى بڕیاری دا بە دواخستنی وەرگرتنی پارەی خوێندنی پاراڵێڵ و ئێواران لە خوێندکاران و قوتابیان لە سەرجەم قۆناغەکانی خوێندنی بەرایی و خوێندنی باڵا.

لە گشتاندنێکدا کە واژووی ى د. ئارام محمد قادر وەزیرى خوێندنى باڵا و توێژینەوەى زانستى لەسەرە و  ئاراستەى گشت زانکۆ حکوومییەکانى هەرێمى کوردستان کراوە و  تیایدا هاتوە؛ بە لەبەرچاوگرتنی بەرژەوەندی گشتی و دۆخی دارایی قوتابیان/ خوێندکاران و داهاتی کەسوکار و خێزانەکانیان و دواکەوتنی مووچەی موچەخۆران و شایستە داراییەکانیان، بڕیارماندا بە: دواخستنی وەرگرتنی پارەی خویندنی پاراڵێڵ و ئێواران لە خوێندکاران و قوتابیانى سەرجەم قۆناغەکانی خوێندنی بەرایی و خوێندنی باڵا کە بە پارالێل یاخود ئێواران لە زانکۆکان و دامودەزگاکانی سەر بە وەزارەت دەخوێنن.

هەر لە بڕیارەکەدا هاتوە؛ پێویستە وەرگرتنی قستەکان بخرێتە مانگەکانی داهاتوی ساڵی ئایندە، بەپێی خشتەیەکی رێکخراو کە رەچاوی بارودۆخی داهات و دارایی هاوڵاتیانی هەرێمی کوردستان بکات.