دەستكاری تەمەنی یاسایی خانەنشین بوون دەكرێت

لیژنەی دارایی كارەكانی هەمواری یاسای خانەنشینیی یەكگرتووی تەواوكرد و رەوانەی سەرۆكایەتیی ئەنجوومەنی نوێنەران كرد.

ئەمڕۆ چوارشەم چواری كانوونی یەكەم، بەپێی نووسراوێكی لیژنەی دارایی ئەنجوومەنی نوێنەران، كارەكانی هەمواری یاسای خانەنشینیی یەكگرتوو لیژنەكە تەواوبووە و رەوانەی سەرۆكایەتیی ئەنجوومەنی نو‌ێنەران كراوە.

لیژنەكە داوا لە سەرۆكایەتیی ئەنجوومەن دەكات، پرۆژەیاساكە بكاتە بەرنامەی كاری دانیشتنەكانی بە مەبەستی ئەنجامدانی خوێندنەوەی یەكەم بۆی.

یەكێك لە بڕگە گرنگ و جێ مشتومڕەكانی هەمواری یاساكە تەمەنی خانەنشینە، لە 60 ساڵەوە بۆ 63 ساڵ زیاد كراوە.

پێشتر بە بڕیارێك تەمەنی خانەنشینی لە 63 ساڵ كەمكرایەوە بۆ 60 ساڵ، بەڵام بەهۆی رەخنەی فەرمانگە حكوومییەكان بەهۆی ئەو بڕیارە فەرمانبەر بە ئەزموونەكانیان لە دەست دەچێت، جارێكی تر دەستكاری تەمەنی خانەنشینی كرا