ئاسایشی هەولێر بڵاوی كردەوە كە دەرمانخانەیەكیان لە شارەكە داخستووە بەهۆی ئەوەی دوو كەس لە دەرمانخانەكە هەڵساون بە بازرگانیكردن بە دەرمانی هۆشبەرو كارتێكەرە هۆشبەرەكان بێ راچێتەی پزیشك و دوور لە رێنوێنییە پزیشكییەكان و داویانە بە كەسانی ئاڵودەی مادەی هۆشبەر.
ئەمشەو چوارشەم چواری كانوونی یەكەمی 2024، بەڕێوەبەرایەتی ئاسایشی هەولێر هاوپێچی ڤیدیۆیەك راگەیەنراوێكی بڵاو كردووەتەوە كە لە راگەیەنراوەكەدا هاتووە، دوای ئەنجامدانی بەدواداچوون لە لایەن تیمەکانمانەوە بەهاوئاهەنگیی لەگەل لیژنەی کوالێتی کۆنترۆڵی دەرمان لە وەزارەتی تەندروستی، بەفەرمانی دادوەری لێکۆڵینەوەی ئاسایشی هەولێر دەرمانخانەیەکمان داخست و دوو تۆمەتباریشمان بەناوەکانی (أ ، م ، ب ) کە یاریدەری پزیشکی دەرمانخانەیە و تۆمەتبار (أ ، ع ، أ) گرت.
ئاسایش روونی كردووەتەوە، تۆمەتبارانی ناوهاتوو هەڵساون بە بازرگانیکردن بەدەرمانی هۆشبەرو کارتێکەرە هۆشییەکان، بەبێ راچێتەی پزیشک و دوور لە ڕێوێنییە پزیشکییەکان و فرۆشتن و پێدانی بە کەسانی ئالوودەی مادەی هۆشبەر.
لە بەشێكی تری راگەیەنراوەكەی ئاسایشی هەولێردا هاتووە، هەروەها لە کاتی پشکنین بۆ دەرمانخانەکە دەرکەوت ژمارەیەکی زۆر دەرمانی قاچاخ و ڕێگەپێنەدراوی تەندروستی لە دەرمانخانەکەی هەیە و دەستی بەسەردا گیراو پاشان رێوشوێنی یاسایی دژی دەگیرێتەبەر.
وەڵام بدەوه