یه‌كه‌م رۆژی مانگی ره‌مه‌زان و كاتژمێره‌كان دیاری کران

فه‌له‌كناسان ئاشكرایانكرد، ئێواره‌ی رۆژی 28ی (شوبات/2)ی 2025 مانگی ره‌مه‌زان دوای خۆرئاوابون ده‌بینرێت و بۆ ماوه‌ی 33 خوله‌ك له‌ئاسمانی مه‌ككه‌ ده‌رده‌كه‌وێت، به‌وه‌ش رۆژی شه‌ممه‌ 29ی (شوبات/) ده‌بێـته‌ یه‌كه‌م رۆژی مانگی ره‌مه‌زانی پیرۆز.

به‌گوێره‌ی زانیاری فه‌له‌كناسان، مانگی ڕه‌مه‌زان ڕاسته‌وخۆ دوای خۆرئاوابون له‌ ڕۆژی هه‌ینی 28ی (شوبات/2) ده‌رده‌كه‌وێت و به‌پێی حیساباتی فه‌له‌كناسی، مانگی نوێ بۆ ماوه‌ی 33 خوله‌ك له‌ ئاسمانی مه‌ككه‌ و بۆ ماوه‌ی 37 خوله‌ك له‌ قاهیره‌ ده‌مێنێته‌وه‌.

سه‌باره‌ت به‌ پایته‌خت و شاره‌كانی عه‌ره‌بی و ئیسلامی به‌ به‌غداشه‌وه‌، مانگی ره‌مه‌زان له‌ دوای خۆرئاوابون له‌و ڕۆژه‌دا بۆ ماوه‌ی نێوان 20-44 خوله‌ك ده‌مێنێته‌وه‌ و به‌مجۆره‌ یه‌كه‌م مانگی ڕه‌مه‌زانی پیرۆزی ساڵی 1446ی كۆچی له‌ ڕوی فه‌له‌كییه‌وه‌ ڕۆژی شه‌ممه‌ 1ی (ئازار/3)ی 2025ی زایینی ده‌بێت.

به‌پێی ساڵنامه‌ی ڕه‌مه‌زان، دوا ڕۆژی مانگی جه‌ژنی ڕه‌مه‌زانی 2025 له‌ عێراق كه‌ هاوكاته‌ له‌گه‌ڵ سه‌روبه‌ندی جه‌ژنی ڕه‌مه‌زان، ڕۆژی شه‌ممه‌ 29ی (ئازار/3)ی 2025 ده‌بێت و ژماره‌ی كاتژمێره‌كانی به‌ڕۆژوبون زیاتر له‌ 13 كاتژمێر ده‌بێت.

پێشتریش نوسینگه‌ی ئایه‌توڵا عه‌لی سیستانی مه‌رجه‌عی باڵای ئاینی شیعه‌كان رایگه‌یاندبو، یه‌كه‌م رۆژی مانگی ڕه‌مه‌زان له‌ ڕۆژی یه‌كشه‌ممه‌دا ده‌بێت، كه‌ هاوتایه‌ له‌گه‌ڵ 2ی مانگی (ئازار/3)ی 2025.

به‌گوێره‌ی ساڵنامه‌، مانگی ڕه‌مه‌زان له‌ 2ی ئادار ده‌ستپێده‌كات و له‌ 30 یان 31ی ئازاری هه‌مان مانگدا كۆتایی دێت، كاتی ڕۆژو شكاندن و بانگی مه‌غریب له‌ نێوان كاتژمێر 6:15 بۆ 6:37ی ئێواره‌ ده‌بێت و كاته‌كه‌ش تا كاتژمێر 6:37 له‌ كۆتا ڕۆژی جه‌ژنی ڕه‌مه‌زان درێژده‌بێته‌وه‌