سبەی لە سەنتەری ئەو شارانە بەفر دەبارێت

کەشناسیی هەرێم.. به‌یانی لە سەنتەری شارەکانی سلێمانی، هەولێر، دهۆک و کەرکووک بەفر دەبارێت.

کەشناسیی هەرێمی کوردستان لە راگەیێندراوێکدا بڵاویکردەوە، به‌یانی 23ی شوباتی 2025 "بەفر لە زۆربەی ناوچە بەرزەکانی رۆژهەڵات و باکووری رۆژهەڵاتی هەرێمی کوردستان بەشێوەی پچڕ پچڕ به‌فر دەبارێت.  لە سەنتەری پارێزگای سلێمانی و هەڵەبجەش به‌فر دەبارێت؛ هەروەها بەفرێکی کەم لە سەنتەری پارێزگای هەولێر و کەرکووکی دەبارێت".
"بەفربارینەکە جگە لە سەنتەری شارەکان، قەزا و ناحیەکانی سنووری هەردوو پارێزگای سلێمانی و هەڵەبجە و ئیدارەی سۆران دەگرێتەوە".
 
ئەو کەشناسە گوتیشی: "بەفربارینی هەولێر و کەرکووک کەم دەبێت لەشێوەی کڕێوە، دۆخی کەشوهەواش تاوەکو چوارشەممە بەو شێوەیە دەمێنێتەوە".
 
بە گوێرەی کەشناسیی هەرێمی کوردستان، ئەمڕۆ بەراورد بە دوێنێ، پلەی گەرما نزیکەی سێ پلە دادەبەزێت و سبەی بەراورد بە ئەمڕۆ دوو بۆ چوار پلەی دیکە دادەبەزێت.
 
بەرزترین پلەکانی گەرمای پێشبینیکراو بۆ سبەی یەکشەممە بەمشێوەیە دەبێت:
هەولێر؛ 6  پلەی سیلیزی
سلێمانی؛ 2 پلەی سیلیزی
دهۆک؛ 4 پلەی سیلیزی   
زاخۆ؛ 5 پلەی سیلیزی
هەڵەبجە؛ 3 پلەی سیلیزی
کەرکووک؛ 7 پلەی سیلیزی
گەرمیان؛ 7 پلەی سیلیزی