چالاکوانێک دێتە ناو کۆنگرەی رۆژنامەوانی و دەڵێت عەلی لە هەولێر و سلێمانی چیت هەیە ؟

ئەمڕۆ لە بەردەم پەرلەمانی كوردستان، عەلی حەمەساڵح ژمارەیەكی زۆر لە مایكی پەیجەكانی سلێمانی لە خۆی كۆكردبووەوە و بانگەشەی ئەوەی دەكرد گوایە قسە لەسەر نرخی كارەبای 24 كاتژمێری دەكات، لەو كاتەشدا كەسێك بەناوی ( ناوی دڵشاد محەمەدە و بڕوانامەی دكتۆرای هەیە، بە توندی ڕەخنەی لە عەلی حەمەساڵح گرت و پرسیاری ئەوەی لێ كرد: ”عەلی لە سیتەك چیت هەیە؟ لە هیوا سیتیی هەولێر چیت هەیە؟ ئەگەر جورئەتت هەیە وەرە بچینە پێش مەكتەبی سیاسی و سەركردایەتیی حزبەكان، تۆ پارە وەردەگریت، 24 ملیۆنت لە پەرلەمان وەرگرتووە.“

لە بەرامبەر ئەو قسانەدا، عەلی حەمەساڵح تووڕە بوو و بەو كەسەی گوت: ”بێ ئەدەب“، بەم هۆیەشەوە دەمەقاڵییەكە زیاتر بوو، تا ڕۆژنامەنووسێك ئەو كەسەی لە شوێنی پرێس كۆنفرانسەكە دوور خستەوە.