لیستی مووچەی مانگی چوار نێردرا

شاندی تەكنیكی وەزارەتی دارایی و ئابووری گەیشتە بەغدا، لیستی مووچە مانگی چوار و خەرجی و داهاتی مانگی سێیان لەگەڵ خۆیان بردووە.

ئەمڕۆ سێشەم 22ـی نیسان، بەیانیی ئەمڕۆ تیمێكی ژمێركاریی وەزارەتی دارایی هەرێمی كوردستان گەیشتنە بەغدا، لەگەڵ كردنەوەی دەوام تیمەكە چوونەتە وەزارەتی دارایی عێراق بۆ ئەوەی لیستەكە رادەست بكەن.
 
هاوكات ئەوەش زانراوە لەگەڵ لیستەكەدا، خەرجی و داهاتی مانگی سێی هەرێمی كوردستانیان لەگەڵ خۆیان بردووە و رادەستی وەزارەتی داراییان كردووە، ئەمڕۆش نیوەی داهاتی ناوخۆ كە بڕەكەی نزیكەی 50 ملیار دینارە و داهاتی مانگی سێیە، بۆ بەغدا دێتە ناردن.
 
بەپێی زانیارییەكان، شاندەكە لە بەغدا دەمێننەوە تا وردبینی لە لیستەكە دەست پێ‌ دەكات، ئەوەش بۆ ئەوەیە هەری تێبینییەك هەبێت بۆیان راست بكرێتەوە و زانیاری بە تیمی وردبینی بەغدا بدرێت.

لە هەمان كاتدا بەغدا ئەوەی گوتووە، چاوەڕوان بكەن تا رۆژی پێنجشەم كە مووچەی فەرمانبەرانی عێراق لە دابەشكردن بگاتە 80%، ئەو كاتە دەست بە وردبینی لیستی مووچەی فەرمانبەرانی كوردستان دەكەین.