هەواڵێکی خۆش بۆ خاوەنی ئەو زەویانە هات

نزیكه‌ی 521 كارتی دیكه‌ له‌ هه‌ولێر تاپۆكانیان ته‌واو كران

له‌ چوارچێوه‌ی پرۆسه‌ی تاپۆكردنی زه‌وییه‌ كارته‌كانی سنووری هه‌ولێر كه‌ له‌لایه‌ن یه‌كه‌ی گۆڕینی كارتی زه‌وی بۆ سه‌نه‌د له‌ وه‌زاره‌تی شاره‌وانی و گه‌شتوگوزار كاری له‌سه‌ر ده‌كرێت، 521 زه‌ویی كارت "ئێستا زۆربه‌یان خانوویان له‌سه‌ر دروستكراوه‌" له‌ سنووری سه‌رۆكایه‌تیی شاره‌وانیی ڕزگار تاپۆ كران.

ئه‌و كارتانه‌ زۆربه‌یان خانوویان له‌سه‌ر دروستكراوه‌ و كه‌وتوونه‌ته‌ هه‌ردوو گه‌ڕه‌كی نه‌ورۆز و هه‌ڤاڵان له‌ سنووری سه‌رۆكایه‌تیی شاره‌وانیی ڕزگاری (تۆبزاوه‌)ی سه‌ر به‌ به‌ڕێوه‌به‌رایه‌تیی گشتیی شاره‌وانییه‌كانی هه‌ولێر، ئێستا وێنه‌ی تۆمار(تاپۆ)یان بۆ ده‌رچووه‌ و هاووڵاتییان ده‌توانن سه‌ردانی لایه‌نی په‌یوه‌ندیدار بكه‌ن بۆ وه‌رگرتنه‌وه‌ی تاپۆكانیان.