هەواڵی خۆش بۆ فەرمانبەران هات

كێشەی فەرمانبەران ژن و پیاو لەسەر زەوی چارەسەر كرا

ئەنجوومەنی وەزیرانی هەرێمی كوردستان، پێشنیازی وەزارەتی شارەوانیی پەسند كرد كە تێیدا بڕیار درا، زەوی بە یەكسانی بەسەر ئەو ژن و مێردانە دابەش بكرێت كە هەردووكیان فەرمانبەرن و مافی سوودمەندبوونیان هەیە.

ئەم بڕیارە دوای ناڕەزایەتیی ژمارەیەك لەو هاوسەرانەی فەرمانبەرن هات، كە لە سەرەتادا بڕیار بوو یەكێكیان لە وەرگرتنی زەوی سوودمەند بێت، بەڵام بڕیارەكە هەڵوەشایەوە.

بەپێی زانیارییەكان، چەند كێشەیەك هەبوون لە نێوان ژن و پیاو بۆ وەرگرتنی زەوی كە هەردووكیان فەرمانبەرن، بۆیە بڕیار دراوە بە هاوبەشی زەوی بەسەر ئەو هاوسەرانە دابەش بكرێت كە هەردووكیان لە وەرگرتنی زەوی سوودمەند دەبن، واتا ئەگەر زەوییەكە 200 مەتر بێت، هەریەكە و 100 مەتر دەخرێتە سەر ناویان.