ڕوونكردنه‌وه‌یه‌ك
سه‌باره‌ت به بڵاوبوونه‌وه‌ی گرته‌یه‌كی ڤیدیۆیی له تۆڕه كۆمه‌ڵایه‌تییه‌كان كه تێیدا هاووڵاتییه‌كی خۆشه‌ویستی گوندی كۆری ئاماژه به‌وه ده‌كات گوایه ئێمه له سه‌رۆكایه‌تیی شاره‌وانیی هه‌ولێر ڕێگری له دروستكردنی سیاجێك و پڕۆژه خزمه‌تگوزارییه‌كانی شوێنه‌كه ده‌كه‌ین، وه‌ك سه‌رۆكایه‌تیی شاره‌وانیی هه‌ولێر ئه‌و قسه و زانیارییه نادروسته ڕه‌تده‌كه‌ینه‌وه، هاوكات دڵنیاییش ده‌ده‌ین كه له ئه‌نجوومه‌نی شاره‌وانیی هه‌ولێر بڕیار له‌سه‌ر جێبه‌جێكردنی پرۆژه‌كه دراوه، به‌ڵام له‌سه‌ر شێوازی جێبه‌جێكردنه‌كه‌ی، به‌شێك له هاووڵاتییانی سنووره‌كه گله‌یی و تێبینی هه‌بووه.
بۆیه له‌به‌ر به‌رژه‌وه‌ندیی گوندی کۆری و قه‌ره‌بووانی گوندی كۆری و رێگری له هه‌ر كێشه‌یه‌كی كۆمه‌ڵایه‌تی، له‌سه‌ر بڕیاری پارێزگای هه‌ولێر و قائیمقامیه‌تی هه‌ولێر و به‌ڕێوه‌به‌رایه‌تیی گشتیی وه‌به‌رهێنان و سه‌رۆكایه‌تیی شاره‌وانیی هه‌ولیر كاره‌كه بۆ ماوه‌یه‌‌ك ڕاگیرا و له نزیكترین كاتدا به‌شێوه‌یه‌كی ئه‌ندازه‌یی و زانستی ڕێك ده‌خرێته‌وه و جێبه‌جێ ده‌كرێت.
ئێمه دانیشتووانی هەردوولا لە قه‌ره‌بووی كۆری و گوندی کۆری دڵنیا ده‌كه‌ینه‌وه، ئه‌و بابه‌ته بڕیاری ئه‌نجوومه‌نی شاره‌وانیی هه‌ولێری هه‌یه، به‌ڵام بۆ ڕێگریكردن له دروستبوونی هه‌ر جۆره كێشه و گرفتێكی كۆمه‌ڵایه‌تی، به بڕیاری پارێزگای هه‌ولێر و قائیمقامیه‌تی هه‌ولێر و به‌ڕێوه‌به‌رایه‌تیی گشتیی وه‌به‌رهێنان و سه‌رۆكایه‌تیی شاره‌وانیی هه‌ولێر ڕاگیرا‌وه، له نزیكترین كاتدا كۆبوونه‌وه‌ی پێویستی له‌باره‌وه ده‌كرێت و میكانیزمی نوێ و زانستی له‌سه‌ر شێوازی جێبه‌جێكردنه‌كه‌ی ده‌گرینه‌به‌ر و دووباره جه‌خت له‌سه‌ر چاره‌سه‌ركردنی بابه‌ته و جێبه‌جێكردنی پڕۆژه‌كه له به‌رژه‌وه‌ندیی قه‌ره‌بووانی گوندی كۆری ده‌كه‌ینه‌وه به‌شێوه‌یه‌ك كه ببێته جێگه‌ی ڕه‌زامه‌ندی و دڵخۆشبوونی قه‌ره‌بووانی گوندی كۆری.
ڕاگه‌یاندنی سه‌رۆكایه‌تیی شاره‌وانیی هه‌ولێر
30/4/2025
ڕوونکردنەوەیەک لە سەرۆکایەتیی شارەوانی هەولێر
2رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه