هەواڵێکی خۆش بۆ حاجیان هات

بانکی ناوەندیی عێراق لە بەرژەوەندی حەجخوازان بڕیاریدا و دوو هەزار دۆلاریان بە نرخی فەرمی پێ بدات.

بانکی ناوەندیی عێراق، بە نووسراوێک کە ئەمڕۆ 1ی ئایاری 2025، دەریکردووە پرۆسەی فرۆشتنی دۆلاری بە حەجخوازان بە نرخی فەرمی راگەیاندووە.

بەپێی نووسراوەکە، بانکی ناوەندی بڕیاریداوە بۆ هەر حەجخوازێک بری دوو هەزار دۆلار بە نرخی فەرمی بفرۆشێت کە بۆ هەر 100 دۆلارێک بە 132هەزار دەبێت.

هەر بەپێی نووسراوکە، دەبێت حەجخوازان لە ڕێگەی ئەو سەرچاوانەی کە بانکی ناوەندی دیاریکردووە ناو تۆمار بکەن و کیو ئاڕی تایبەت وەرگرن و پێشکەشی دامەزراوەی FITR بکرێت و پاشان تۆماری سەرجەم ئەو پارانە پەسەند بکرێت.

جەختیش کراوەتەوە کە هەر حەجخوازێ دەبێ بەڵگەی تەواوی فەرمی گەشتی حەج پێشکەش بکات.

پڕۆسەی پێدانی دۆلار بە حەجخوازان لە 4ی5ی2025ەوە دەستپێدەکات.