بەهۆی خۆڵبارینه‌وه، لە بەسرە زیاتر لە 360 کەس تووشى هه‌ناسه‌ته‌نگی بوون
تەندروستی بەسرە ئه‌مڕۆ (هەینی 2ى 5ى 2025) ڕایگەیاند، زیاتر لە 300 حاڵەتی هه‌ناسه‌ته‌نگی لە ئەنجامی ئەو شه‌پۆله خۆڵ و تۆزاوییەى ڕووی له ناوچه‌كه كرد و ئێوارەی ڕۆژی پێنجشەممە پارێزگاکەی گرتەوە، تۆمار کراوە.
بەڕێوەبەرایەتیی گشتیی ته‌ندروستى به‌سڕه له باشوورى عَراق، لە ڕاگەیەندراوێکدا بڵاوی كرده‌وه: "ژمارەی تووشبووان گەیشتووەتە 363 کەس، کە سەردانی دامەزراوە تەندروستییە جیاوازەکانی سەر بە پارێزگاكه‌یان کردووە".
لە ڕاگه‌یاندراوه‌كه‌دا ئاماژە بەوەش کراوە، "هێشتا خۆڵبارین بەردەوامە و کارمەندانی پزیشکی لە ئێوارەی دوێنێوە حاڵەتی هه‌ناسه‌ته‌نگییان وەرگرتووە، هەموو هەوڵەکانیان چڕ دەکەنەوە بۆ ڕووبەڕووبوونەوەی کاردانەوەی بارودۆخی کەشوهەوا".
پێشتر دوو سەرچاوە لە بەسرە و نەجەف ڕۆژی سێشەممەی ڕابردوو، ڕایانگەیاند، به هۆى خۆڵبارینه‌وه زیاتر لە 190 حاڵەتی هه‌ناسه‌ته‌نگی لە هەردوو پارێزگاكه تۆمار کراوە.
هەفتەی ڕابردوو دەستەی کەشناسی و چاودێریی بومەلەرزەزانی عێراق هۆشدارییان دا لە ناسەقامگیری بارودۆخی کەشوهەوا و شه‌پۆلی خۆڵبارین لە باشووری وڵات و داوای وریایی بە تایبەت لەسەر ڕێگاوبانەکانیان کرد.
316 هاوڵاتی گەیاندرانە نەخۆشخانە
1رۆژ پێش ئێستا |
KurdistanPress  |
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه