بابهكر زێباری راوێژكاری سهربازیی سهرۆكی ھهرێمی كوردستان رای گهیاند، كابینهی نۆی حكوومهتی ھهرێمی كوردستان، ھهنگاوی زۆرباشی بۆ یهكخستنی ھێزی پێشمهرگه ناوه و له سهرهتاكانی كابینهی داهاتوودا كوردستان، دهبێته خاوهن یهك ھێزی پێشمهرگه .
ئهو راوێژكاره سهربازییهی سهرۆكی ھهرێمی كوردستان، ڕایگەیاند، حكوومهتی ھهرێمی كوردستان به ھاوكاری و پاڵپشتیی ھاوپهیمانان، له یهكخستنی ھێزهكانی پێشمهرگه له ھهردوو یهكهی 70 و 80 بهردهوامن.
زێباری ئاماژهی دا كه ئامانجیانه ھێزی پێشمهرگه له چوارچێوهی 11 فیرقهدا یهكبخهن كه سهرجهمیان له ژێر سهرپهرشتی و چاودێریی وهزارهتی پێشمهرگهی حكوومهتی ھهرێمی كوردستاندا دهبن. لهو كابینهیهدا ھهنگاوی زۆرباش نراون و تا ئێسته نزیكهی نۆ فیرقه له ھهولێر و دھۆك و سلێمانی تهواو بوون، بهردهوامیش كاری لهسهر دهكرێت بۆ ئهوهی تا كۆتایی ساڵی داھاتوو ھهرێمی كوردستان، ببێته خاوهن یهك ھێزی پێشمهرگه، لهبهرئهوهی ئهمه ئامانجی خهڵك و حكوومهت و ھاوپهیمانانیشه .
وهك ئهو راوێژكاره سهربازییه خستیه روو، حكوومهتی ھهرێمی كوردستان و وهزارهتی پێشمهرگه زۆر به رژدی كار دهكهن بۆ یهكخستنی ھێزی پێشمهرگه و ئهنجامی زۆرباش دهركهوتوون، دامهزراندنی ئهو ھهموو فیرقهیه شاھیدی ئهوهن كاری زۆرباش كراوه و بهردهوامیش دهبن تا ھهموو ھێزهكان یهك دهخرێن، چونكه ئهمه پرۆسهیهكی زهحمهته و چهند ساڵێكه كاری لهسهر دهكرێت، پێویستیان به مهشق و راھێنان و پڕچهككردن و دروستكردنی فیرقه ھهیه.
ئەو روونی کردەوە ھاوپهیمانان بهو كارهی حكوومهتی ھهرێمی كوردستان دڵخۆشن و خۆشیان له سهرهتای پرۆسهكهوه، لهگهڵ یهكخستنی ھێزی پێشمهرگهدان و ھاوكار و پاڵپشتییهكی زۆرباشیان دهكهن، بۆیه له داھاتوودا ھهرێمی كوردستان دهبێته خاوهن یهك ھێزی پێشمهرگه، ئهویش سهربه وهزارهتی پێشمهرگهی حكومهتی ھهرێمی كوردستان دهبێت، ئهو ھهنگاوهش له سهرهتای كابینهی 10یهمی حكوومهتی ھهرێمی كوردستان دهبێت .
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
NEW APP AVAILABLE
ئاگادارکردنەوەکان
هەرگیز نوێکارییە گرنگەکان لەدەست مەدە
دۆخی تاریک
ئاسانە بۆ چاو، بە شەو یان ڕۆژ
هەواڵى بەپەلە
KurdistanPress
هاوبەشی خێرا
وەڵام بدەوه