شاندێکی ویلاتە یەکگرتووەکانی ئەمریکا لەگەڵ سەرۆکی شارەوانی هەولێر کۆبۆووە

سەر لە بەیانی ئەمڕۆ چوارشەممە 7-5-2025، شاندێکی واشنتن دی.سی.ی ویلایەتە یەکگرتووەکانی ئەمریکا بە سەرپەرشتیی پارێزەری ڕاوێژکار کیڤن گلیسۆن و پسپۆڕی خانووبەرە ئێریک ترێلێنبێرگ، بە هاوبەشی وەفدێک لە کونسوڵخانەی گشتیی ئەمریکا لە هەولێر بە نوێنەرایەتی بەڕێوەبەری خزمەتگوزاریەکان کیمبەرلی مەککۆنێل، بەڕێوەبەری خزمەتگوزاریی گشتی ماتیۆ مایبێری، و یاریدەدەری ئەفسەری ئاسایش کریستۆفەر بەلێدا، سەردانی هەرێمی کوردستانیان  کرد و لەگەڵ ئەندازیار کارزان عەبدولهادی سەرۆکی شارەوانی هەولێر کۆبوونەوە .

لە دانیشتنەکەدا شاندە هاوبەشەکەی ئەمریکا وێڕای گفتوگۆی دۆستانە لەگەڵ بەڕێز سەرۆکی شارەوانی هەولێر، هاوکات خۆشحاڵ بوون بەو  گۆڕانکاری و ئاوەدانیە فراوانەی لە شاری هەولێر بەرهەم هاتووە، پاشان  گفتوگۆ کرا لەسەر گواستنەوەی کونسوڵخانەکە بۆ شوێنی نوێ و ئەنجامدانی ڕێککەوتنێکی کرێنامە بۆ پارچەیەک زەوی کە نزیکە بەرەکەی نوێی کونسوڵخانەکەیە، بۆ بەهێزکردنی هاوکارییە ئاسایشییەکان. هەروەها باس لە بەرژەوەندییە هاوبەشەکانی هەردوولا کرا بۆ بەهێزکردنی زیاتر پەیوەندییەکان لە نێوان ئەمریکا و هەولێر.