باران و هەورە بروسکە ئەو ناوچانە دەگرێتەوە

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان ڕایگه‌یاند، ئه‌مڕۆ ساماڵ و پەڵە هەور دەبێت لە ناوچە شاخاوییەکان هەورى زیاتر دەبێت و سبه‌ینێش كه‌ش نیمچە هەور دەبێت بەگشتى، لە ئەنجامى دروستبونى ناجێگیریەک لەسەر ناوچەکەمان ئەگەرى تاوەباران لە سەر بەشێک لە ناوچە شاخاوییەکان هەیە بەشێوەى نمە بارانی پچڕ پچڕ و هەندێك کات هەورە تریشقەى لەگەڵ دەبێت. 

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ ئاسمان ساماڵ و پەڵە هەور دەبێت لە ناوچە شاخاوییەکان هەورى زیاتر دەبێت، خێرایى با  مامناوەند ده‌بێت و له‌ نێوان 10 بۆ 20 كیلۆمه‌تر له‌ كاتژمێرێكدا ده‌بێت.

ئاماژه‌ی به‌وه‌شكردوه‌، پلەکانی گەرما نزیک دەبێتەوە لە تۆمارکراوەکانی دوێنێ و مەوداى بینین له‌ نێوان 8 بۆ 10  کیلۆمه‌تر دەبێت.
به‌گوێره‌ی كه‌شناسی، سبەی دوشەممە كه‌ش نیمچە هەور دەبێت بەگشتى، لە ئەنجامى دروستبونى ناجێگیریەک لەسەر ناوچەکەمان ئەگەرى تاوەباران لە سەر بەشێک لە ناوچە شاخاوییەکان هەیە بەشێوەى نمە بارانی پچڕ پچڕ و هەندێك کات هەورە تریشقەى لەگەڵ دەبێت، لەگەڵ ئەو ناجێگیریە لەکەشدا ئەگەرى زیادبونى خێرایی با هەیە کە هەندێك کات بەرزبونەوەی تۆز و خۆڵى لەگەڵدا دەبێت، ئەگەرى بارانبارین له‌سەر سنورى ناوچە شاخاوییەکانى پارێزگاى دهۆک و سلێمانى زیاتر دەبێت. 

ئه‌وه‌شی خسته‌ڕو، پلەکانی گەرما نزم دەبێتەوە بە (2 – 5) پلەى سیلیزى لە تۆمارکراوەکانی ئەمڕۆ.

هەولێر : 32  پلەی سیلیزی
سلێمانی : 30 پلەی سیلیزی
دهۆک : 30  پلەی سیلیزی 
کەرکوک : 34 پلەی سیلیزی  
زاخۆ  : 31 پلەی سیلیزی
هەڵەبجە : 30 پلەی سیلیزی
سۆران : 29 پلەی سیلیزی
حاجی ئۆمەران :19 پلەی سیلیزی
گەرمیان : 36 پلەی سیلیزی