پەیامێک لە سەرۆکى حکومەت بەڕێز مەسرور بارزانی

*پەیامی سەرۆکی حکومەتی هەرێمی کوردستان بۆ ساڵيادی دامەزراندنی یەکێتیی مامۆستایانی کوردستان* 
بە بۆنەی شەست و سێیەمین ساڵیادی دامەزراندنی یەکێتیی مامۆستایانی کوردستان، پیرۆزبایی لە سەرۆک و ئەندامانی مەکتەبی سکرتارییەت و گشت مامۆستایانی کوردستان دەکەم و هیوای سەرکەوتنیان بۆ دەخوازم . 
خەبات و تێکۆشانی یەکێتیی مامۆستایانی كوردستان و داکۆکیکردنیان لە ماف وداخوازییەکانی مامۆستایانی کوردستان بەرز دەنرخێنین و پێزانینێکی زۆرمان بۆ مامۆستایانی کوردستان هەیە کە  ڕۆڵێکی گرنگ لە پەروەردەکردن و فێرکردنی نەوەکانماندا دەگێڕن.
ئومێدەوارم مامۆستایانی کوردستان، لە سەر بنەمایەکی باش و پەروەردەیەکی دروست و هزری نیشتمانپەروەری و خوشویستنی کوردستان، نەوەیەکی داهێنەر و زانستخواز و ژینگەدۆست پێ بگەیەنن بۆ ئەوەی ڕۆڵێکی کارایان لە پێشخستن و بەرەوپێشبردنی کوردستاندا هەبێت. 
مەسرور بارزانی 
سەرۆکی حکومەتی هەرێمی کوردستان 
2025/5/15